السجيـن " بـ اللهجـة العراقيـة "

البـارت الـ19

#السجيـن

بـ قلـم الكاتبـة : فاطمـــة مُســـلم

لو كاسر عظم جان العذر مقبول
بس كاسرلي خاطر بيش ترضيني ؟

♡♡♡♡♡♡♡♡♡♡♡♡♡♡♡♡♡♡♡♡

دكيت الباب وسمعت صوته وهو يكول تفضل فتحت الباب ودخلت شفته كاعد ؏ المكتب وبيده ملف كاعد يدقق عليه باوعت عليه وكلت :- السـلام عليكـم

جان مدنك راسه ويكتب من حجيت رفع راسه وكال :

علي : وعليكـم الس....

من شافني واكفه كدامه قطع كلامه وصفن عليه وراها كال : وعليكم السلام

- شلونك علي

- استـــاذ علي لو سمحتي

- العفـو استـاذ علي شلونك

- اهلاً وسهلاً، تفضلي

تقدمت وكعدت ؏ الكرسي الي صاير بصف المكتب اباوع عليه رجع يكتب بـ الملف وتجاهل وجودي

- ممكن اخذ من وقتك

- لا

- زين عرفتني اني منو ؟

- لا

- معقـولة !!!

- ليش حظرتـچ انتي منو بلا صغراً بيج ؟

- عود صدك متذكرني

- قابل اتشاقه وياج ! داكلج ما اعرفج

- اي مو مشكلة هسه اذكرك، اني " رسل "

- رسـل ؟ العفو منج بس ما اعرف وحده بـ هل اسم

- علي تحجي صدك

- للمره الثانيه اكلج " استـاذ علي "

- علي اني رسل حبيبتك

رفع حاجبه وباوع عليه بـ نظره استغراب وكال :

- حبيبتي !! ما اتذكر جانت عندي حبيبه بـ هل اسم

- علي اترجاك لا تحجي بـ هل اسلوب ويايه

- ليش انتي منو ؟

- لا تجنني علي تمام اعرف اني الغلطانه والسبب مني بس...

- غلطانه ؏ شنو !!!

- انت لو كاعد تضحك عليه لو فقدت عقلك بـ السجـن

رفع راسه وخزرني خزره خلاني اتندم ؏ الجملة الي گلتها ضرب ايده ؏ المكتب حيل بحيث من يمي فزيت .

- الزمي حدودج وعرفي ويامن كاعده تحجين وتفضلي اطلعي بره

- علي اترجاك

- بره كلت

- علي بس اسمعني ما اخذ من وقتك هواي صدكني