#السجيـن
بـ قلـم الكاتبـة : فاطمـــة مُســـلم
وإعذرني إعله ڪُل لهفـه
إعله ڪُل رجفـه
إعله ڪُل مكتوب مني مطرّز بـ " أهـواك "
إشطبنـي !
العشـگ مو نخـوه حتى أنخاك
ولا گلبي ضريـح إمام
من تدعي يكُلك هاك
إشطبنـي !
المواسم تايهـه بـ عمري
وخريفك عمـره ما يگضي
إشطبنـي ورايه هموم
لا حظك ولا حظي !
♡♡♡♡♡♡♡♡♡♡♡♡♡♡♡♡♡
راحـت نور واني واكفـة انتظرها... شويه وحسيـت بـ احد ورايا واكف نداريت باوعت وجان اشـوف......
ولـد واكـف ورايا اجه تقدم عليه وكال :- مرحبا
- اهلاً
- شلـونج
- تمام
- انتي جايه ويا نـور وسام مو
- اي
- شنـو تقربلـچ نور
- وليش تسأل اعتقد ميخصك هذا الشي
- لا هيج بس حبيت اعرف شنو تقربلج لأن شفتكم سوه وانتي مو طالبة بـ هاي الجامعـة
- اي عادي ممكن اكون صديقتها !!
- زين عرفينـي عليـچ اني حتى اسمچ ما اعرفه
- اعتـذر ما اكـدر
- ليـش
- ما احب اتعـرف ؏ احد وخصوصاً الزواحـف
- لا ترا انتي مفتهمتني غلط مو مثل ما مفكره
- صحيح مفتهمتك غلط وانته مو مثل باقي الشباب اي اكمـل
- صدكيني افتهمتي الموضوع غلط
- اي تمام هسه مصار شي عوزك بس تحلف بعد شسالفة
- هسه ما كلتيلي
استغفر الله درت وجهي عليه وجاوبته :- ؏ شنـو
- شنو اسمچ ونور وسام شتصير منج
صفنت عليه هذا صدك يحجي حركلي دمي جاوبت عليه بـ عصبيه :- شدخلك ياااا اخـي شدخـلك
بعدني دا احجي ويا وجان تجي نـور وجان اعيط بيها :- وين صرتي هو هلكد الي يتأخر
- شبيج يمعوده اعصابچ
درات وجهه وجان تكول :- هلا هيثم شلونك
- هلا بيج نور شلونج
- الحمدالله
شفته راد يحجي وجان اجر نور من ايدها واكـول :- احنا نترخص تأخرنا
وقبل لا يكول شي جريت ايد نور ومشيت جان تكول :- هاي شبيج هيج عصبيه بعدين مو عيب من الولد ليش هيج سويتي
أنت تقرأ
السجيـن " بـ اللهجـة العراقيـة "
Roman d'amour" في أعماق الظلام، تألقت شمعة الأمل في قلبه وأشعلت النيران التي أعادته للحياة حيث كانت السجون تحبس جسده لكنه لم يستطعوا أن يحبسوا روحه المتألقة وإرادته الصلبة " قصـة جديدة واحداث جديدة ومشوقـه لنـرى معاً ماذا سيحدث في روايـة " السجيـن " بـ قلمـي...
