السجيـن " بـ اللهجـة العراقيـة "

البـارت الـ15

#السجيـن

بـ قلـم الڪاتبـة : فاطمـــة مُســـلم

يا نَظـرتك تسـوه ڪُل ذيـچَ السـوالـف ♡.

♡♡♡♡♡♡♡♡♡♡♡♡♡♡♡♡♡

جنت كاعده بـ الصالـة وجان تجي عليه عمه وسن وكالت :- ريا حبيبتـي علي يريد يحجي وياج

- وين هو

- فوك بـ غرفته

- شنو يريد مني

- ما ادري والله كال كولي الريا تصعد اريد احجي وياها

- تمام عمه هسه اروح

كمت وصعدت فـوك دكيت الباب وسمعتـه كال تعاي فتحـت الباب ودخلـت وسديت الباب ورايه لتفتت شفته كاعد ؏ الجربايـة ويده جكاره من شافني طفاها وكام راح للكنتور فتحه وطلع علبه حمره فتحها وأشري ؏ الجـرياية رحت كعدت وهو اجه باوعت عليه طلع الحجل من العلبة واجه وكف كبالي ودنـك ؏ رجلي يريد يلبسني الحجـل بسرعه جريتها وكلت :- لا علي ميصير انطيني اني البسه

تجاهل كلامي وجر رجلي احس جسمي رجف من لمسني لبسني الحجل وباوع عليه ابتسم وكام اجه كعد بـصفي وكال :- حلو عليـچ رجلـچ بيضه هي الي محليه الحجل

ابتسمت بـ وجهه ودنكت راسي تقرب عليه مد ايده رفع راسي باوعت عليه وهو صفن بعيـوني شويه وكال :- عيونـچ اخضر من شجرنا

ابتسمـت ؏ كلامه وهو ميل راسه وباوع ؏ شفتي رجع نظره لعيني وكال :- صبرت هواي ونفذ صبري بعد

- ؏ شن...

بعدني ما مكمله كلامي وما احس الا حط شفته ؏ شفتي وباسني بـ قوه نصدمت وبنفس الوكت جان شعور حلو شعور اول مره اجربه حسيت نفسي ضعت وتيهت روحي واني بين ايديه حسيت ؏ نفسي وجان ادفعه من كتفه بس ما فاد ضل يبوس بيه لحد ما ختنكت واريد بس اسحب نفس دفعته قوي وهو بتعد وبسرعه سحب راسي وحضني ؏ صدره...

بعد راسي من صدره وباوع ؏ وجهي دنك باس خدي وباس شفتي بوسه سريعه وكال :- اووف شكد هاويـچ گلبي وروحـچ ساكنـه بروحـي

حط ايده ؏ خدي وكال :- ريا

رفعت راسي وكلت :- هاا

- شوكت نزوج

طكيتها بـ ضحكه حتى عيوني كامت ادمع كوه حجيت من بين ضحكتي :- شنزوج يمعود كول بـ اسم الله قبل ساعتين عقدنا

- اي عادي نحدد العرس الاسبوع الجاي

باوعت عليه وصفنت بـ وجهه وكلت :- علي تشاقه مو

ابتسم وكال :- لا والله

- تحجي صدك انته شنو الاسبوع الجاي العرس

- شكو بيها

- شنو شكو بيها علي اني جنت مفكره اقل شي فد 6 اشهر يلا نزوج