#السجيـن
بـ قلـم الكاتبـة : فاطمـــة مُســـلم
حنيتـلك وادري اليحـن
يبچـي ويمـوت بسكتـه
مو مال نتعاتـب بعد
راح المعاتـب وگتـه
من يـاهي أبدي بفرگتـك
خليتنـي معلعل وأون
ماضل وجـع ما ضـگته
♡♡♡♡♡♡♡♡♡♡♡♡♡♡♡♡♡
صعدت اريد انام مددت بـ الفراش توني اريد اغفـه واجتي رساله ؏ تلفوني...
سحبت التلفون من جوه راسي وفتحته دخلت ؏ الواتساب وجان اشوف...
علي كاتب :- خطابينـچ كثرانه هل أيام
كتبتلـه :- يريـدون بت الحلال غير
- وانتي ليش متوفقيـن !
- ما مفكره بـ الزواج حالياً
- تـروحيـن
- وين !
- لكـربلاء
- ليـش
- ديتفقـون باجـر العصـر يطلعـون لكربلاء ويبقـون يوميـن
كمت مفزوعه من الفراش وكتله :- صدك !!!!
- اي والله شبيج هسه كاعد يتفقـون
- ثواني جاايه
كمت من الفراش ونزلت جان شعري مفتوح وهو طويل يوصـل طوله لنهايـة فخـذي
دخلت للصالة جانو كاعدين رحت كعدت يم بابا هو عبر ايده من ورا كتفي وحضنـي سألتني ماما :- هاي يمه شو ما نمتي
باوعت ؏ علي ورجعت باوعت عليها وكلت :- ؏ اساس انام بس صديقتي راسلتني وبعد مكدرت انام
- اي احسن علمود تنامين فـد مره هسه اذا نمتي بـ الليل تكعدين شبعانه نوم
- اي
سألني مرتضى :- گربـوش عود تحضر باجر نروح لكربلاء تجين مو !
- اي طبعاً اجي ، بس بيش الساعة نطلع
رد عليه بابا :- العصر انروح ونبقى يومين او 3 ايام
- الله شكد مشتاقـة اروح ازور
شويه واجوي خطار زلم ؏ بيت عمي يتعللون فـ راحو للاستقبال والولد طلعـو كلهم للكوفـي
صارت الساعـة بـ12 بـ الليل وكـ العادة لازم اطلع اكعد بـ الحديقه...
جنت كاعده بـ الغرفـة اخذت تلفوني ونزلت جنـت لابسـه دشداشه طـويله بس فتحت الصدر جبيره ودلعه...
طلعـت للحديقة وكعدت بـ المرجوحه ضليت اهز بيها واني التلفون بيدي جانو بنات عمي موجودات بـ الكروب ويراسلن ، راسلتني نور ؏ الخاص :- انتي وين رحتي شو ماكو بـ الغرفه
- طلعت بـ الحديقه مو تدرين متعوده هيج وكت اكعد بيها
- اريد اجي يمج بس ما بيه انزل
أنت تقرأ
السجيـن " بـ اللهجـة العراقيـة "
عاطفية" في أعماق الظلام، تألقت شمعة الأمل في قلبه وأشعلت النيران التي أعادته للحياة حيث كانت السجون تحبس جسده لكنه لم يستطعوا أن يحبسوا روحه المتألقة وإرادته الصلبة " قصـة جديدة واحداث جديدة ومشوقـه لنـرى معاً ماذا سيحدث في روايـة " السجيـن " بـ قلمـي...
