#السجيـن
بقلـم الكاتبـة : فاطمـــة مُســـلم
ريحـة ليـل
تندهنـي واسـولف بيـك
واتـوسد حلـم ملگـاك
واغفـة بـ حسبـة متانيـك
افـز محتـاج لشلـونك
تهـت والعافيـة عيـونك
♡♡♡♡♡♡♡♡♡♡♡♡♡♡♡♡
-الناصـرية
دخلنه لبيت جـدي وتفاجـأة من الي شفـته !!!
عمامي كلهم جاييـن وعمتـي أمل هم جايه ومنا اولاد عمي والبنات والاطفال بحيـث البيـت صاير هوسه حتاريت ؏ من اروح اسلم
تالي رحت ؏ بيبي سلمت عليها وبست ايدها ورحـت ؏ جـدو هم نفـس الشي ، سلمـت ؏ الكـل ورحـت كعدت يم البنـات
ريا : هلا بناات
نـور : هلا عيني عاش من شافچ البذاته
ريا : هههههههههه
يقين : اي عيني ست ريا شلونج
ريا : الحمدلله بخيـر عمـري انتـو شلونكـم
يقين : احنـا بخيـر نسـأل عليـچ
ريا : تسأل عليكـم العافية حبيبتي
سـدن : شنـو هل جمال ريا صايره تخبلين
زهـراء : اي والله خصوصاً شعرچ صار يجنن
ريا بـ الشقـه : قل اعوذ بـرب الفلق صلُ ؏ النبي كولوا ما شاء الله ترا اخاف ؏ نفسي
سـدن : ترا ما نحسد عيني
ريا : هههههههه اشاقه وياكـم تسلمـون عمـري هذا جمال عيونكـم
نور : صدك ريا شلون جانت الامتحانات !!
ريا : بعـد مو هسه امتحاناتي لأن اني جامعـة
نـور : يااا اي صـدك تذكرت انتي كليـة تختلفـون
يقيـن : هنيالـچ انتو بعدكـم تعاي شوفي احنـا شسوو بينـا
سبـأ : اي والله خصوصاً احنـا الثالث فد صعبه الاسئلة ومن نحجي يكولون احسن هاي الاسئلة كلها تجي بـ الوزاري تعودو من هسه
سدن : يمعوده كله جذب لا وزاري ولا شي
سبأ : اي صح ادري بيهم
زهـراء : اووو بنات سدو موضوع الامتحانات ما صدكت خلصت منها
ريا : هههههههههه اي والله
ضلينا احنـا البنات كاعدين سولف وضحـك بعدهـا طلعنـا برا بـ الحديقـة لأن صار العصـر والجـو كلش حلوو
فـ طلعنا نتمشـى وطبعاً حديقـة بيت جـدو كلـش جبيـره وبيها مرجـوحه
جدو يحب الزرع فـ النهايه مال الحديقة الي صايره من يم الحايط هاي كلها ورد جوري يجنن وعطره بعد احلى
أنت تقرأ
السجيـن " بـ اللهجـة العراقيـة "
Romance" في أعماق الظلام، تألقت شمعة الأمل في قلبه وأشعلت النيران التي أعادته للحياة حيث كانت السجون تحبس جسده لكنه لم يستطعوا أن يحبسوا روحه المتألقة وإرادته الصلبة " قصـة جديدة واحداث جديدة ومشوقـه لنـرى معاً ماذا سيحدث في روايـة " السجيـن " بـ قلمـي...
