السجيـن " بـ اللهجـة العراقيـة "

البـارت الـ10

#السجيـن

بـ قلـم الكاتبـة : فاطمـــة مُســـلم

توجعني الـ " شلونك " واني اردها بخيـر
كسروا خاطري كسرة جناح الطيـر
ويا طير الـ يعيش بكسرة جناحهـه

♡♡♡♡♡♡♡♡♡♡♡♡♡♡♡♡♡

مرت الايام وماكو شي جديـد وقبل عرس رسول بـ يوميـن جنا كاعديـن اني ونـور العصـر فوك بـ الغرفـة انسولف ما انحـس الا باب الغرفـه اندفـع بـ قوه بحيـث فزيت فزه خرطت العافيـة بيها درت وجهي اريـد اشوف منـو هيـچ دفـع الباب ودخل...

وجان اشـووف يقيـن وسبأ دخلن يلهثـن من الركـض صحـت بـصوت عالي عليهن :- هو هيـج الي يفتح الباب ويدخل ادبسزيات

يقيـن :- انجبي فوك ما نايه انطيكم خبر يشوك

قلدت ؏ طريقة كلامها وكتلها :- شنو بـ الله هذا الخبر الي يشـوك

سبأ كالت اني احجي ويقين تكللها انجبي اني اكول وتعاركن تالي عاطت بيهن نور :- وهرش شبيجن زعاطيط تتعاركن منو تكول اول فضوها عاد شكو

كالت يقين :- شوفو قبل شويه جنا كاعدين وجان يجي رضا يضحك

نور :- ليش شكو

يقين :- اوكفي خلي اكمل... اي فـ حيدر كاله شبيك فاتح حلكك وتضحك... ورضا كال خال ابو زوجته الرسول مات اليوم الصبح وتأجل عرس رسول وهو هسه كاعد يتلاطم

ريا :- عززا خطيه الله يرحمـه

يقين :- روحي شوفي رسول الا شويه يكعد يبجي لأن تأجل عرسه وهو صار شكد ينتظره ومنا حاجز القاعات والصالون مال صبا ودافع الفلوس وهسه كاعد يتلاطم والولد يضحكون عليه

نور :- لا خطيه ميصير هيج هو شعليه خلي يتزوج بعـد شكـو يأجل عرسه وهو كلشي مكمل

سبأ :- لا مو هو ابو صبا مخابر رسول وكايله يأجل العرس لأن عدهم فاتحه ورسول منحرج بعد ميكدر يرفض

ريا :- خطيه الله رسول

يقين :- امشي تعالو جوه كاعدين كلهم

نزلنـا جوه لكيت بيت عمي كلهم مجتمعيـن رحنا كعدنا يمهم اسوف عمو وسام يحجي ويا رسول والولد ناصبين عليه

وراها اتفقـو عمامي كلهم يطلعـون للصيـد ما طول عرس رسول تأجل وما عدهم شي فـ اجتمعو كل عمامي وياهم جدو ومرتضى ورسول ويوسـف هم راحـو وياهم للعصـر اخذو غراض الصيد وطلعـووا للجـزيره معرف وين...

واحنا البنات طلعنا بـ الحديقـه ضلينا نسـولف ونلعب بـ المرجوحـة للمغـرب طبينا جوه ساعدناهم بـ العشـه...

بـ الليل جنا مجتمعيـن احنا البنات بـ الغرفة وحده تحط ماسك والثانيه كاعده تصبغ اضافرها وحده كاعده تسـوي مقشـر اني جنت بس كاعده واباثع عليهن لأن ذاك اليوم سويت عنايـة بـ البشرة فـ ما يحتاج...