#السجيـن
بـ قلم الكاتبـة : فاطمـــة مُســـلم
إذا متريدني ومابيك جَيّه
وما مر بيك ضيم المار بيه
لتخليني حاير بين الاثنين
لو اتانيك لو اتاني المنيه
آنه اتمنى اكلك عايش بخير
بس المُشكلة مبين عليه ..
♡♡♡♡♡♡♡♡♡♡♡♡♡♡♡♡♡♡
سحب التلفون ورد ؏ الرقم بس كال الوو وسكت من سمع صوت المتصل منو حسيته ارتبك وبسرعه التفت باوع عليه وصفن بـ وجهي أشرتله بيدي بـ معنى شكوو هز راسه وسد الخط :
- واحـد غلطان بـ الرقم
- لعد ليش هيج جانت ردة فعلك
- مو شبهت بـ صوته عبالي صديقي بس طلع لا
سكتت بعد وهو هم سكت وصلنا للبيت دخلت الغرفة غيرت ملابسي وتمددت انتظر علي يجي اشو تأخر بره ؏ اساس يصف السيارة ويجي !…
------------------
- بعـد مرور سنـة "
رجعت من الدوام جانت فترة امتحانات مال الفاينل وخلصنا اليوم امتحنت اخر امتحان وطلعت رجعت للبيت كُلش تعبانه ومنا حامل بـ شهر الـ4 فـ هواي تعبت بهل فترة منا الحمل ومنا الامتحانات وشغل البيت لو علي الي مدري شبي صارله فترة بس يصفن وبالـه مو يمه لو احجي ؏ المشاكل الي ما اعرف منين تطلع يوميه مشكلة…
حرفياً تعبت ونفسيتي ادمرت ما جنا هيج ابد ما اعرف شنو الي تغير بـ علي حتى صاير ما يطيق احد كوه يحجي و24 ساعة معصب وما يتحاجه…
دخلت للغرفة دبيت ملابس الدوام ودخلت اسبح كملت وطلعت لبست تراكسود برموده باوعت ؏ الساعة ما بقى شي ويجي علي من الدوام…
رحت للمطبخ علمود احضر الغـده خلال هاي السنة الي راحت تعلمت اطبخ وماما علمتني اسوي الاكل بـ الليل واخلي بـ المجمدة لأن من ارجع من الدوام ما الحك اطبخ فـ بس اطلع الاكل من المجمدة واحمي…
ورا ساعة سمعت صوت السيارة دخل للمطبخ اني جنت اثرم بـ الزلاطه رفعت راسي لكيته يباوع عليه :
- الله يساعدك
- ويساعدج
- شلونك اليوم
- زين الحمدالله ، انت شلونج بطنج بعدها توجعج
- لا زينه راح الوجع
- اي زين
عافني ودخل للغرفة حضرت الاكل ونقلت المواعين ؏ الطاوله ورحت للغرفة حتى يجي يتغده ، دخلت لكيته ينشف بـ راسه جان سابح :
- كمل الغده
- اي هسه جاي
درت ظهري اريد اطلع صاح عليه : ريـا
أنت تقرأ
السجيـن " بـ اللهجـة العراقيـة "
Romance" في أعماق الظلام، تألقت شمعة الأمل في قلبه وأشعلت النيران التي أعادته للحياة حيث كانت السجون تحبس جسده لكنه لم يستطعوا أن يحبسوا روحه المتألقة وإرادته الصلبة " قصـة جديدة واحداث جديدة ومشوقـه لنـرى معاً ماذا سيحدث في روايـة " السجيـن " بـ قلمـي...
