السجيـن " بـ اللهجـة العراقيـة "

البـارت الـ1

#السجيـن

بقلـم الكاتبـة : فاطمـــة مُســـلم

ضمينـي رسالـه شـوگ
ما بيـن الغـراض الحابهـن گلبـچ
ولمينـي بـ آصابيعـچ مثـل لمـة خصـل شعـرچ
دارينـي تـرا أستاهـل

♡♡♡♡♡♡♡♡♡♡♡♡♡♡♡♡♡

- بغـداد
- الساعـة بـ11 صباحـاً

طلعـت بـرا بـ الباب انتضـر الخط يجي اليـوم جان عدنـا امتحان والبارحـة ما نمت ضليت سهرانه اقره بحيـث هسه فد مره صايره من التعـب ونعسانه

نتبهت ؏ ابو الخط واكف عن بعـد مسافه رحت صعدت بـ الخط والبنات الي ويايه هم صعدن وصلني اني اول وحده وهذا الشي ثابت دائماً اني اول وحده يوصلني لبيتنـا لأن بابا هيچ متفق ويا ابو الخط المهم نزلت ودخلت للبيت بس استغربت صوت سوالف وضحك احنـا بيتنـا هـدوء كلت معقولـة عدنا ضيوف !!!

دخلت للمطبـخ ما لكيت امي لأن بـ العاده من ادخل الكاها بـ المطبخ تحضر الغده هيج وقت رحت للصاله لكيتهـم متجمعين كلهم سلمت عليهم

وصعدت ركض لغرفتـي ذبيت كتبي وطلعت دشداشه قصيره مال بيت ودخلت للحمام اسبح لأن دبكت من الحر كملـت وطلعت مشطت شعري وشسورته وشلته ذيل الحصان رشيت عطر ونزلت اركض ؏ الدرج كـ العاده

دخلت للصاله وبابا جان يخابـر بـ التلفون ومبين عليه فرحان هو ويحجي بـ التلفون باوع عليه وفتحلي ايده بـ معنـى تعاي بـ حضنـي ركضت حضنته وهو خلص مكالمته وحضني باسني من راسي ومن خدي وسألنـي

-شلونها حبيبـة ابوهاا

-الحمدالله من شفتـك صرت بـ خير

-شلونج اليوم بـ الامتحان

-زينه بابا الاسئلة جانت سهله وبسرعه جاوبت وطلعت

-الحمدالله إن شاء الله يوم التخـرج وافتخـر بيـچ

-إن شاء الله بابا ، اكـول بابا حبيبي اشو اليوم فرحانيـن وعسا دوم هل الفرحـة

-شوفي باباتي تعرفين علـي ابن عمـچ

-علي ابن عمـو وسام هذا الي بـ سجـن

-اي هو بس راح يطلع من السجن الحمدالله والشكـر

-يااا خطيه شوكت يطلع !!

-بعد يوميـن إن شاء الله ، وانتـو هم تحضـروا حتى نروح لبيت جدكـم باجـر ، وانتي بابا مو بعد عطلتوا راح تكعدون ما عندج بعد شي مو

-اي ما عندي شي بعد كعدنـا فترة علمود نستعد للامتحانات ، صـدك ماما جوعانه

-اي امي كامل الغده هسه بس اصب

-يلا لعد اجي وياج اساعدچ

كمت ويا ماما حضرنا الغده ماما تصب الاكل بـ الامواعين واني انقله لميز الطعام