السجيـن " بـ اللهجـة العراقيـة "

البـارت الـ12

#السجيـن

بـ قلـم الڪاتبـة : فاطمـــة مُســـلم

هيـچ چَنـك مَطره
وعيون السنـابل
ينطرنـك

شحچي عنك سالفـة
وكون السوالف
يوسعنـك .

♡♡♡♡♡♡♡♡♡♡♡♡♡♡♡♡♡

بيـوم جنت بـ غرفتي فوك نزلت جوه جانت الدنيا العصـر دخلت للمطبخ واشوف الهوسه مال المسواك وامي كاعده ترتب بيهن سألتها :- يمه شدعوه هلكد متسوكين

- هاي ابوج متسوك يكول باجر بيت وسام يجيون علينا وجاب مسواك

- هاا زين شعجب راح يجون

- والله يا يمه ما ادري ؏ كلاً هلا بيهم

- اي صح

كعدت ارتب ويا امي بـ المسواك وسوينا عشه...

جنت كاعده بـ الغرفة اتصلت ؏ نور شويه وردت :- الووو

ريا - هلا كلبي شلونـچ

- هلا حبيبي بخيـر نسأل ؏ خبارچ

- الحمدالله تمام اخباري... اكول صدك باجر راح تجون علينا

- اي راح يجون اهلي عليكم

- وانتي ويقين شنو متجون ؟؟

- اي ما نجي

- عززا ليش ولج

- ما نكدر والله

- زين لعد منو راح يجي من عدكم

- ابويه وامي وبيبي وجدو وعلي

- اهاا كل الهلا بيهم بس والله ضجت انتو ليش متجون

- غير مره گلبي

- إن شاء الله حبيبتي

بقيت احجي وياها شويه وراها سدت الخط وكعدت اشوف مسلسل...

ثاني يـوم جنت نايمة واحس احد يكعد بيه رفعت راسي شفتها امي كلت بـ صوت ناعس كلش :- شنو ماما ليش هسه مكعدتني

- اكعدي يا امي مو تعبتيني بيت جدج اجوي كومي غسلي ونزلي سلمي عليهم

- لا والله ليش هي بيش الساعة

- بـ11 هسه يلا يمه كومي بسرعه اني راح انزل

- يلا جايه

كمت من فراشي رحت للحمام غسلت وشلت شعري سويته كعكـه لبست دشداشه طويله بس مخصره ؏ جسمي...

نزلت جوه ودخلت للأستقبال شفتهم كاعدين سلمت عليهم وكعدت يمهم جانو يسالفون ؏ الاخبار والوضع بـ العراق وهل سوالف طول ما همه كاعدين جانت اكو فد عيون تراقبني...

أذن الظهـر كالت بيبي اريد اصلي وكاموا كلهم توضـوا علمود يصلون وبابا كال بين متكملون صلاة نصب غده...