السجيـن " بـ اللهجـة العراقيـة "

البـارت الـ18

#السجيـن

بـ قلـم الكاتبـة : فاطمـــة مُســـلم

أمس لمن درت ظهرك
عفتني تـراب..
لو ماخذني بـ جيبوبك
أمس مثل الطفل چنـي
تذبني وأرجـع لثوبك
منو مثل يحبك حتى
" بعيـوبك "

♡♡♡♡♡♡♡♡♡♡♡♡♡♡♡♡♡

ومن رفعت راسي وتفاجأة من جمال الحـديقة جانت كلش جبيرة وكلها ورد والمرجـوحـة صاير بـ زاوية الحديقة يعني شي حلو ومرتب كُلش بعدها اجه علي لزم ايدي ودخلنا جوه فتح باب الاستقبال ودخلت جان البيت كبير واسع اضافة الى الاثاث حلو وترتيب اللوان فد شي...

هو يمشي كدامي واني ورا شايله البدلـة واسحل بيها لحـد ما وصلنا لغرفتنا فتـح الباب وباوع ؏ وابتسم :- سمي بـ اسم الله وادخلي بـ رجلـچ اليمنى

دنكت راسي وسميت بـ اسم الله ودخلت بـ رجلي اليمنى دخل ورايه وسد الباب رفعت راسي وشفت الغرفة ضليت صافنه ؏ جمال الترتيب وجمال الغرفـة النـوم من شفتها بـ الصوره جانت حلـوه بس بـ الحقيقـة تجنن جمالها وتصميمها فد شي جان وترتيب الاثاث داخل الغرفـة كلش عجبني...

التفتت عليه لكيته واكف وساند نفسه ؏ الباب ومبتسم سألني :- عجبتـچ

- كلش حلوه متوقعتها بـ هل جمال

- ذوقـچ حلو حتى اني متوقعت هيج حلوه .. غيري ملابسج حتى ترتاحين

- اي والله هاي البدلة ثكيله تعبتني

رفع ايده أشر ؏ مكان وكال :- ذاك الحمام اذا تريدين تسبحين

- تمام .. رحت للكنتـور فتحت الباب اخذت ملابس وحطيتهن ؏ الجربايـه ورحت ؏ ميز المرايا فتحت التسريحه وكلت :- علي حباب بس افتحلي السحاب مال البدلـة

اجه وكف ورايه شال شعري وحطـه ؏ كتفي فتح السحاب وراح رحت للجربايه اخذت الملابس ودخلت للحمام سبحت وطلعت شسورت شعري وعفته مفتـوح جنت واكفه ؏ ميز المرايا احط عطر وهو دخل للغرفه اجه عليه حضني من وره وباسني بـ رگبتي وكال :- حبيبي اذا كملتي تعاي تعشي

- اي كملت

لزم ايدي وطلع رحنا للمطبخ جان محضر الاكل ؏ ميز الطعام كعدنا تعشينا بـ هدوء...

بعد ما كملنا عشه رحـت للغرفـة جنت تعبانه لأن اليـوم جان كلش متعب وبـ نفس الوقت جان يوم حلـو ومميز عشـت بي اجمـل لحضات عمـري جان لازم هيـچ يكـون !!!!!!

جنت واكفـه كدام ميز المرايا وارتـب نفسـي سمعت صوت الباب التفتت دخل علي للغرفـة اجه عليه لزمني من كتفي ودارنـي عليه بعد كذلتي من عيوني وحطها ورا اذني مشى ايده ؏ وجهي من كصتي نزولاً لرگبتي نزل راسه وباسنـي من راسي عيوني خدي حنكي الى ان وصل لشفتي اخذ بوسـه قويـه واستمـر بيها .. وما بين همسه ولمسـه وبين كلماته الي جان يتغزل بيهن بدت ليلتنا......