السجيـن " بـ اللهجـة العراقيـة "

البـارت الـ17

#السجيـن

بـ قلـم الڪاتبـة : فاطمـــة مُســـلم

تمنيت الوكت يمحيك من بالي
‏تمنيت وبعد ماعبرت الكلمه
‏لگيتك واگف گبالي

♡♡♡♡♡♡♡♡♡♡♡♡♡♡♡♡♡

مرت يومين ورجعت ؏ نفس الروتين بس شي الي تغير هو وجود علي بـ حياتي دائماً يتصل او راسلني ويطمن عليه ثاني يوم رحت للدوام دخلت للقسـم وشفت اطياف والبنات صديقاتي اجوي باركولي ؏ الخطوبة الطلاب هم سامعين بـ الموضوع وهم باركولي...

وراها بدت المحاضرات اخذنا اول محاضرتين وراها اخذنا استراحـة طلعنا اني واطياف كعدنا بـ الحديقـة وضلينا نسولف فجأة رفعت راسي وجان اشوف أنـس

من باوعت عليه باوعلي بـ نظره حسيتها كلها قهـر ونـدم بعدها دار ظهره وراح حكيت كصتي وهمست بيني وبين نفسي :- الله يوفقك ويسعدك

التفتت ؏ اطياف وكلت :- يلا تروحين هسه راح تبدي المحاضرة

- اي يلا

كمنا ورجعنا للقاعـة دخلنا ورا شويه بدت المحاضرة مشى الوكت ونتهى الدوام طلعت للخط ورجعت للبيت دخلت سلمت ؏ اهلي وصعدت الغرفتي بعدني دا ابدل ودك تلفوني رحت اشوف من طلع علي رديت عليه :- هلا حبيبي

- يا بعد حبيبـچ شلونج گلبي

- الحمدالله .. انته شلونك

- بخيـر ماشيه .. وين انتي

- بـ البيت هسه رجعت من الدوام

- تغديتي عمـري

- لا بعدني ابدل وانته اتصلت .. وانته وين

- اني هم بـ البيت

- اليوم من وكت شنو ما رحت للدوام

- لا والله ما بيه اروح

- ليش حبيبي بيك شي

- لا عمري ليضل بالج بس اليـوم أمير بـ الشركة موجود بعد ما يحتاج اني اروح

- اها زين عبالي بيك شي لا سامح الله

- لا ماكو شي حبيبي .. يلا روحي تغدي ومن تكملين اتصلي عليه

- ما جوعانه گلبي

- لا ميصير لازم تاكلين شلون تضلين ؏ الريوك

- تمام هسه اتغده وارجع

- براحتـچ

سديت الخط ودخلت للحمام سبحت ولبست تراك برمودة لفيت شعري ونزلت جوه تغديت وغسلت المواعين الي اكلت بيهن ورحعت صعدت فوك تمددت ؏ السرير عود اريد انام تالي تذكرت علي اخذت التلفون واتصلت عليه شويه وجان يجيني صوته :- يبعـدهم

- هلا حبيبي

- هلا بيـچ عمري .. تغديتي

- اي