السجيـن " بـ اللهجـة العراقيـة "

البـارت الـ13

#السجيـن

بـ قلـم الڪاتبـة : فاطمـــة مُســـلم

ضاعت درابين العُمـر
ما ندري نمشي بيا درب
چا ليش من دون الخـلك
عشنة ويه اهـالينـا بـ غـرب

♡♡♡♡♡♡♡♡♡♡♡♡♡♡♡♡♡

بيـوم جنـت كاعده ارتب بـ الغرفـة ودك تلفوني رحت اخذته من الشحـن شفـت المتصل " علـي "

استغربت شعجب اتصل وبنفس الوكت توترت شلون اجاوب عليه وشنـو احجـي...

رديت عليه وكلـت :- الـوو

علـي : هلا

- هلا بيك

- شلونـچ

- بخير الحمدالله... انته شلونـك

- الحمدالله... باجر راح نجيكـم

- ڪل الهلا بيكم

- محتاجه شي

- لا سلامتك

سكت واني هم سكتت عبالي سد الخط باوعت المكالمة بعدها كلت بصوت ناصي :- الوو علي انته ويايه ؟

رد بصوت هادئ :- وياچ لأخر نفـس

دائماً اتوتر من كلامه وما اعرف شلون ارد عليه فـ كلت اسكت احسن... رجع كال وبصـوت ناصي كلش :- اخيـراً

- شنـوو ؟

- اخيـراً وافقتي

- اي

- جنت لازم گلبي بيدي وخايف ترفضين بس حتى لو رفضتي ارجع اتقدملج مره ثانيـة وثالثـة

- شنـو هل الاصرار

تنهد بصوت عالي وكال :- رايـدچ ريا رايـدچ... اتمناچ يمي اليوم قبل باجر

سكتت وما رديت عليه وهو غير الموضوع بسرعة وجان يكول :- يلا اخذر راحتـچ إن شاء الله باجـر اشوفچ

- إن شاء الله

سديت الخط وشمرت التلفون ؏ الجرباية وكعدت عليها لزمت راسي وتفكيري مشوش وباجر راح يجون بيت عمو وسام ويخطبوني بـ شكل رسمي يعني راح مشية بس زلـم علمود يقرون الفاتحـة وتصير خطوبة رسميه وراها بـ كم يوم يصير العقـد...

كعـدت ثاني يـوم من وكت غسلت وغيرت ملابسي ونزلت جوه لكيت امي كاعده تحضر بـ الريوك...

ورا ما كملنا رتبت البيت وبابا جان محضر الضيافـة من البارحه رحت للأستقبال كلت ارتبه شويه لكيته نظيف ومرتب...

راسلتني نور وكالت الساعـة بـ1 يطلعون من يمنا ويجون عليكم يعني للعصـر يوصلون ...

ورا فتـرة رحت امي عطرت الاستقبال واني صعدت اتحضـر لأن صارت الساعـة بـ2 هسه هم جايين بـ الطريق ياربي ما اعرف ليش متوتره كلش...