#السجيـن
بـ قلـم الكاتبـة : فاطمـــة مُســـلم
ضيعتني..
بكيفك ورديت تالي
تريد تلگاني وحزن روحي تلمّه ؟
غربتني..
وجفن ما رف لك يَ خايب
ولا رجف گلبك وأگول شويه همّه
غيرتني..
وبهت كل لون بخضاري
وآه يا ذاك الربيع الضاع حلمه
جرحتني..
وطاب بالچويات جرحي
شلون اليطيب وترد عمدأ تلچمه
رخصتني..
شمعة صرت أني لـ ظلامك
ليش چا صايرلي نسمة ؟
وهذا يا ليل الي مرك
وما ضوت بي روحي نجمة ؟
هـسة رديت وتظن حزني تلمّه ؟
حزني گطرات المطر بالماي
لوتگدرله.. لمّه .
♡♡♡♡♡♡♡♡♡♡♡♡♡♡♡♡♡
جنت كاعده احجي وياهن واجتي رسالـة من رقم غريب غلست عليها كلت بعدين اشوف منـوو !!
رجع اتصل عليه واني صاعدة مكالمة انطيت رفض رجع انوب اتصل هم رفضـت اخر شي صار يدز رسائل وحد ورا الثانيـة كلت للبنات :- بنات اني اترخص بعد
سديت المكالمـة من عدهن ودخلت للواتساب جان رقم غريب هواي داز رسائل دخلت للمحادثـة فتحت عيـوني ؏ وسعها ونصـدمت من قريت الرسائل...
جان كاتـب :- اني أنـس ردي
وبعـد رسائل هواي منها :
- اريد احجي وياج بـ موضوع
- ليش مجاوبين مو اتصل عليج
- بس انطينـي فرصة ثانيه اترجاج
- ريا لا هيج تسوين كتلج بس احجي وياج ما اريد منج شي
فاتحه حلكي واقره بـ الرسائل مصدومه من جرائته شلون هيج يراسل بعد كل الكلام الي حجاه واني فهمته كلشي بعديـن منين جاب رقمي هذا الولد راح يخبلنـي !!
ضليت صافنه ؏ المحادثـة وافكـر اذا ارد عليه لو لا مبين ما راح يعوفني بـ حالي هذا فـ قررت ارد واشوف تاليها شلـون...
كتبـت :- هلا أنس
- بـ خصوص يا موضوع تريد تحجي اعتقد ماكو كلام بيناته بعد ينحجي فـ ليش هل الازعاجات
- يعني ماخذ رقمي مدري منين وجاي تراسلني بـ هيج وقت !!!
شويه وطلع عندي " يكتـب... "
جان كاتب :- اترجاج انتطيني مجال افهمـچ كلشي
كتبت :- عن شنو تفهمني ؟!!
- ريا والله اني احبـچ واريدچ صدكينـي
- اعتقد حجينه بـ هذا الموضوع وعرفت شنو جوابي !
- اعرف حجينه بـ الموضوع بس اريد منج فرصه ثانيه زين جربيني وشوفي اذا طلع مني غلط صغير بعد لا تباوعين بـ وجهي اصلاً
أنت تقرأ
السجيـن " بـ اللهجـة العراقيـة "
Romance" في أعماق الظلام، تألقت شمعة الأمل في قلبه وأشعلت النيران التي أعادته للحياة حيث كانت السجون تحبس جسده لكنه لم يستطعوا أن يحبسوا روحه المتألقة وإرادته الصلبة " قصـة جديدة واحداث جديدة ومشوقـه لنـرى معاً ماذا سيحدث في روايـة " السجيـن " بـ قلمـي...
