السجيـن " بـ اللهجـة العراقيـة "

البـارت الـ21 والاخـير

#السجيـن

بـ قلم الكاتبـة : فاطمـــة مُســـلم

شمالها عُيونك نسَتني ..
ويا مراية الغَرتك هيچِ وعِفتني؟

♡♡♡♡♡♡♡♡♡♡♡♡♡♡♡

- بابا علي طلع متزوج عليه بـ السر صار 3 اشهـر

كلتها وطكيت من البجي... صوت بابا اختفى عبالي راح مسحت دموعي وهدأت نفسي :

- الوو بابا انت ويايه

تحمحم وكال :- وياج بابا ، شنو هذا الحجي يا زواج هذا !

كعدت ع الجرباية وحجيتله كلشي صار شهكت وكلت : حتى اني مثلك ما صدكت

- هذا هو بنيتي كافي تبجين هو الخسران ما يستاهل وحده مثلج ما جنت اظن علي هيج مع الأسف ، انتهى كلشي حضري نفسـچ واخذي كُل غراضـچ جايج اني بس مسافة الطريق

- انتظرك بس فدوة ستعجل

شمرت التلفون ؏ الجرباية ورحت طلعت جنطة جبيرة جمعت كُل ملابسي بيها وغراضي الي احتاجهن كملت ورحت لبست بنطرون وقميص وفوكاهن بشت حتى ما رتبت نفسي هيج شلون ما جان...

كعدت ؏ الجربايه واسمع اصواتهم يتعاركون ركزت بـ الكلام وسمعته من صرخ بيها ويكول :

- اني مو كتلج انتظرينيييي بس هل فترة حتى اكللها اريدددد اتزوجججج وشويه شويه امهدددد الموضوع

- يا فترة هاي الي تحجي عنهاا اني صار سنة انتظرك تفتح الموضوع وياها ومن شفت نفسك ما تكدر تحجيلها كتلي خلي نتزوج بـ السر وتزوجتك وما حجيت شي وخنت ثقه اهلي بيه وهذا كله وسكتت وهاي صار اشهر اتوسل بيك وانت يوميه تكلي باجر فاض صبري وبعد ما اتحمل

- وانتي هيج تسوين تريدين تخليني كدام الامر الواقع مو كتلج انتظري بس هل فترة لأن حامل لحد ما تجيب واحجيلها كلشي

- ترا هي قبل لا تطلع حامل واني اكلك علي احجيلها وتكلي اي ميخالف عود باجر عود بعدين وهاي صار اشهر...

اسمع عياطهم وصياحهم واني كاعده افكر شلون هيج سوه بيه شلون يتزوج تذكرت من رحنا اخر مره لبيت جدي بـ الناصريه......

- قبل شهرين :

رحنا لبيت جدي بـ الناصرية واهلي هم اجوي من بغداد وصارت لمة حلوه بـ وكتها جنا كِلنا كاعدين وعلي كاعد بصف بيبي وتلفونه بيده ما اعرف شيكتب واني جنت يم البنات كاعده نسولف، رفعت راسي بسرعة من علي كال :
علي : بيبي اريد اتزوج

حجاها بـ الشقه !!!
ردت عليه بيبي :

- چـاا انت ما متزوج

علي : لا بيبي متزوج ادري بس اريد اخذ الثانيـة

- ليش هو الي عنده مثل ريا يبدلها بـ مره ثانية

علي : بيبي هي ريا تبقى حبيبتي ومرتي الاولى بس الزواج مو حرام واني عاجبني اتزوج