السجيـن " بـ اللهجـة العراقيـة "

البـارت الـ14

#السجيـن

بـ قلـم الڪاتبـة : فاطمـــة مُســـلم

شكثر وصيَتك
وكتلك مالي غَيرك
يا ملاذي وغيرتي
ولذة شبابي هنّه
بس أنتَ وعيونك
چا بعد ياهُم أحبابي ..

♡♡♡♡♡♡♡♡♡♡♡♡♡♡♡♡♡

مرت يومين واني التهيت بـ الدوام وكلت يوم الجمعـة اكعـد ارتب أموري وابدي احضر نفسي للعقـد...

جنا كاعدين العصـر اني واهلي بـ الحديقـة دك تلفـون ابويه جاوب وما جنت اعرف ويا منو جان يحجي بعد ما كمل المكالمة سد الخط وجان يكـول شي صدمني ضليت صافنه يعني ترا والله ميصير هيج اني جنت مقرره اسوي شي وهمه يريدون شي ثاني...

- ريا بابا حبيبتـي جـدچ يكـول العقـد يصيـر يمنا

- شنـوو ليش بابا شلون يصير هيج

- ما بيها شي حبيبتي هو هناك احسـن وبعدين همه بعيدين وطريقهم طويل ميكدرون يجون لهنا

- بس بابا اني اريد العقد يصير ابيتنا وجنت مرتبة أمـوري

- ميخالف بابا هو ماكو فرق مثل ما هذا بيتـچ ذاك هم بيت جدچ

- بس بابا

- لا بس ولا شي هاي هيه هناك يصير العقـد وانتهـى النقاش

كمت ضايجه من يمهم وصعدت فوك اتصلت ؏ نور شويه ودرت :- الوو

- هلا نور شلونج

- هلا گلبي تمام بخيـر بس انتي شبيج امبين من صوتـچ ضايجه

- اي والله

- خيـر ليش

- جدو اتصل ؏ بابا يكول العقـد يصير يمكـم

- اي صحيح قبل شويه كال

- ليش هيج نور غير اني العروس والعقـد يصير ابيـت اهلـي

- ترا احنـه مو غريبين ريا العقـد راح يصيـر ابيت جدچ وبنفس الوقـت هو بيت عمـچ يعني احنـه هم اهلـچ وماكـو فرق

- صح هو ماكـو فرق بس اني عبالـي اجهـز حفلـة العقـد ؏ ذوقي واسثوي الاشياء الي ابالي

- شسوين مثلاً اني وياج من تجين يمنا انسويهن سوه وآي شي تحتاجي انكول لعلي يجيبـه

- لا عيب عود اذا احتاج شي اكـول لمرتضى يجيبه

- شنو عيب ترا راح تصيرين مرتـه

- هسه عوفـچ من هذا الحجي فهميني شلون

- شنـو شلون مو كتلچ اني ويا واساعدج

- هاا

- والله شبيج

- تمـام لعـد هذا هو... عود نت ضايجه بس اتصلت عليج ادبسـزز قنعتينـي