السجيـن " بـ اللهجـة العراقيـة "

البـارت الـ5

#السجيـن

بـ قلم الكاتبـة : فاطمـــة مُســـلم

ياهـو اليرجعلي عمر
ضيعته ؏ المايسوه..
وياهـو اليعوضني صبر
مرمر ايامي الحلـوه
يا ناس گلبي المنكسـر
مو مال اگولـن فدوه !

♡♡♡♡♡♡♡♡♡♡♡♡♡♡♡♡♡

فتحت التلفون لكيت رساله من رقم غريب جان كاتـب...

- كاعـدة !!

انتبهـت ؏ الرقـم هذا رقم علـي !

رفعـت راسي للسمـا وسحبت نفـس قوي ، نزلت راسي صارت عيني ؏ شباك غرفه من الغرف الفوك بس ما اعرف غرفـة منو بـ الضبط جانت ضلمـه بس من بعيد امبين ضوه احمـر صغير كلش واضح هذا ضوه الجمره مال الجكارة بتسمـت ونزلت راسي رديت ؏ الرسالـة

- اي كـاعدة

- وين انتي !

- بـ الحديقـه

- شسوين !

- اسمـع اغانـي

- بـ هيج وقـت !!

- عادي الوقت مو مهم

- شنو تسمعين !!

- حاتم العراقي

- وشنو يكول حاتم ؟!

- يكول : عليكـم جـذب الكال اني مـرتاح

ضحكت ورفعـت راسي فوك اباوع ؏ الشباك بعد ما قريت الرد مالته جان كاتب تكملة الاغنيه :

- يا راحـة البـلياكـم تجينـي

حبيت اغيـر الموضوع فـ سألته :- شبيك اليوم

- شبيه !

- ما اعرف حسيتك ضايج

- لا ما ضايج

- متأكـد

- ليش عندج شك

- لا

- تصبـح ؏ خيـر

- وانتي بخيـر

نهيت الكلام ويا ورفعـت راسي ؏ الشباك عندي حساس يكول انو هو الي واكف ورا الشباك

كمت صعدت فوك لكيت البنات نايمات اني هم مددت بـ صفهن ونمـت...

ثاني يوم من الساعـة بـ1 الظهـر بدو يتحضـرون علمـود يروحون للمشيـه عمامي والولد منا النسوان هم بقت بس بيبي واني والبنات بـ البيت والبقيه كلها تروح

صارت بـ 3 الظهـر وطلعـو كلهـم رحـت للمطبـخ شتهيـت اسـوي كيكـة بـ الكاكاو صحت ؏ نور جتي يمي كتلها بس الطلعلي المواد لأن ما اندلهن

كملتها وحطيتها بـ الفرن وكعت اني ونـور نسولف

ورا ربع ساعة طلعتها من الفرن وحطيتها بـ الثلاجة تبرد