السجيـن " بـ اللهجـة العراقيـة "

البـارت الـ7

#السجيـن

بـ قلم الكاتبـة : فاطمـــة مُســـلم

مرات اجيك بلا وعـي
عقلي من أذكرك موش ألـي
يـ العايش بصف النفـس
نارك ولا جنة هلـي

♡♡♡♡♡♡♡♡♡♡♡♡♡♡♡♡♡

كمت فتحت فلاش التلفون وشلت شعري من عيوني ورجعته ورا اذني رحت فتحت الضـوه مال الغرفـة وقتربت من الباب وهو مستمر يندك كلـت :- منـوو

- اني علي

تنهدت بـ راحه من عرفت علي فتحت الباب وهو جان واكف وحاط ايده ؏ الحايط وايد يدك بيها الباب

باوع عليه من فوك ليجوه وغمض عيونه وفتحن سألني :- نور وين

- نايمه

- كعديها

عفت الباب مفتوح ومشيت حجيت اني وامشي :- طب انته كعدها ما بيه

- دخل وسد الباب ورا واني رحت شمرت نفسي ؏ الفراش

ضل يكعد بـ نور وما كعدت تالي عافها رفع راسه باوع عليه وجان يكول :- جنطة نور وين

- بـ الكنتور

- كومي طلعيها

كمت مشيت من يمه رحت فتحت الكنتور وطلعت جنطتها رحت انطيتها اله ورجعت كعد ؏ السرير وتربعت...

فتحها وطلع منها سويج السيارة باوعت عليه وكتله :- علي

رد عليه هم يسد السحاب مال الجنطة :- هااا

- فد شويه اطلع

رفع راسه باوع عليه وكال :- وين تطلعين

- اريد اروح لنهـر لعلقمي

- متروحين وحدج

- ترا هو قريب ميحتاج احد ويايه

- متروحين وحدج دا اكول ، عود خابرينـي من تتريدين تروحين اني اخذج

- لا عود اكول لمرتضى ياخذني

- ما موجودين الولد كلهـم

- ليش وين راحو

- للكـوفي

- اي عود اخابره يجي عليه

- بعيد مو هنا بـ شارع السناتر

- اووو ميخالف عود اتصل عليك

- كومي قفلي الباب ورايه

كمت مشيت ورا طلع واني قفلت الباب ورجعت ؏ السرير ضليت العب بـ التلفون...

باوعت ؏ الساعـة صارت بـ12 هسه الجو حلو مال واحد يطلع كمـت لبست ملابسي مال الطلعه ولفيت الحجاب شلون ما جان لبست العباية ورحت اكعد نور ويقيـن شلعن گلبي وما يقبلن يكعدن تالي اخذت تلفوني اتصلت ؏ علـي...

شويه ورد عليه :- هلا

- هلا بيك ، راح اطلع

- انتضري 5 دقايق واجي