فريسه في شباك الصياد
السابع
سبحان الله العظيم
رجع عز الفندق مع جنه اللي كانت عندها فضول تعرف ايه موجود في الصندوق وليه عز خبي عليها قبل كده أنه شايل الفلوس في مكان تاني
قعد عز وقدامه الصندوق وجنه جنبه
جنه : عز الصندوق ده صغير ازاي هيكون فيه الفلوس
عز : اكيد الفلوس مش هنا .
جنه : انا بقول كده برضو
عز : لا ذكيه يا بت
جنه : طيب بلاش تتريق واتفضل افتح الصندوق انت ازاي هادي كده . مش عايز تعرف فيه ايه
نفخ عز : تصدقي لو قولتلك خايف اعرف فيه ايه .
جنه : خايف من ايه
عز : اكيد فيه مصيبه .
جنه : أن شاء الله مفيش . افتح كده اما نشوف
عز فتح الصندوق وكان فيه كارت ميموري وكمان مفتاح وشكله لخزنه تانيه
جنه : انا معايا اللاب توب. تعال نشوف ايه اللي في الميموري
عز : هاتيه
جنه شغلت اللاب و الكارت كان في فيديوهات
شغل عز اول فيديو صوت ليه وهو بيتكلم وبيقول
: الفلوس هتكون في خزنه تانيه والمفتاح موجود في الصندوق .. جنه اكيد هتعرفي تفتحي الصندوق لان مفتاح خزنه الأولي معاكي في السلسه .. لو حصلي حاجه خدي نص الفلوس والنص التاني اتبرعي بيها للموسسات خيريه، .. انا حاسس اني هموت
.......
جنه بصت لعز اللي مسك دماغه : حبيبي انت كويس
عز : صداع رهيب يا جنه .
جنه : طيب خلاص اقفل دلوقتي اللاب وارتاح
عز : لا .. عايز اعرف ليه انا عملت كده . في فيديوهات تاني . هشغلها واعرف.
جنه : طيب
عز شغل فيديو تاني وصوته وهو بيقول :
عمري ما كنت اتخيل ان ناجي يخون ثقتي .. انا كنت بعتبره اخويا الكبير يعمل كده فيا . بس العيب مش عليه. العيب عليها هي . عمري ما كنت اتخيل ان امي تكون علي علاقه بناجي . و متجوزاه عرفي ، بس هي حره هي اللي اختارت تتجوزه .. انا هسيبلها كل حاجه وهاخد جزء من حقي
وقف عز بصدمه وشهقت جنه
عز : ايه الهبل ده . اكيد الكلام ده غلط .
جنه بتحاول تهدي عز اللي مدمر : انت ممكن تكون فهمت غلط قبل كده.
عز بصدمه : هي مش معقول تعمل كده . يعني ناجي اصغر منها صح يا جنه
جنه حضنته : حبيبي . اهدا. هي حتي لو اتجوزته فده مش حرام .
أنت تقرأ
حكايه و روايه (مجموعه قصصيه)
Fanfictionقصص قصيره ( كوميدي . دراما ) ١(مجنونه الصعيد)٢(حسنات) ٣(الصياد)٤بيت السلايف ٥(عاهات وتقاليد)٦( عفريت بكر)٧(حراميه ولكن)٨(خطا غير مقصود)
