الثاني
👑لا اله الا الله 👑
جهاد بعد ما خلصت قاعده مع مايا وصلتها لبيت
..
سليم دخل : ازيك يا امي
وداد : الحمد لله يا بني . تعال اقعد
سليم. : لا انا جعان وتعبان وعايز اطلع انام
وداد : مراتك مش فوق يا خويا . بقالي يجي اربع ساعات بره البيت مش هتلاقي حد ياكلك
سليم : مقالتش رايحه فين
وداد : اكيد راحت عند الست اللي سحرتلك عندها علشان تجدد العمل
سليم ضحك : يا امي ربنا يهديكي سحر ايه وكلام فاضي ايه . دي جهاد طيبه وملهاش في الكلام ده
وداد: انت اللي طيب واهبل. عملتلك سحر علشان متتجوزش عليها وله تطلقها بعد ما طلع العيب منها
سليم : لا اله الا الله . الارزاق بايد ربنا وانا راضي يا امي
وداد : مش عايز ولد يشيل اسمك
سليم : ربنا مش كاتبهالي . اقول الحمد لله وله اعترض وبرضو ربنا مش هيكتبهالي .
وداد : انت لو تسمع كلامي تكسب .. جبتلكم عروسه زي القمر . وله صغيره
سليم : شكرا يا امي .
دخلت جهاد وهي مبتسمه : حبيبي حمدالله علي السلامه
سليم : الله يسلمك .. كنتي فين
جهاد مسكت أيده : تعال نطلع فوق كل وانا هحكيلك عن كل حاجه
سليم : ماشي
.... وداد لوي فمها ومش عاجبها اللي بيحصل
في شقه جهاد
سليم : شكلك رايق
جهاد : جدا
سليم : يا سلام. لدرجه دي
جهاد : واكتر يا سليم . انا حاسه ان ربنا هيعوضني
سليم : مش فاهم . قصدك ايه
جهاد : اقعد وانا احكيلك ..
قعد سليم وبصلها بفضول.
جهاد : انا اتعرفت علي واحده وهي موافقه تجيبلنا بيبي واحنا نخده ونربيه
سليم : ايه الكلام الاهبل ده . مين دي اللي هتوافق تتنازل عن ضناها
جهاد : يا سيدي .هي موافقه انت مضايق ليه
سليم :اكيد مش كويسه . ممكن يكون اللي في بطنها ده ابن حرام
جهاد : عمرك يا سليم .ما حكمت علي حد من غير ما تعرفه ..ليه تقول عليها كده . دي بنت شريفه
سليم بعصبيه : استغفر الله العظيم . مش قصدي. بس انتي هتجنيني. مين دي تسيب ابنها. اكيد مش ابنها
جهاد : هي لسه مش حامل اصلا . هي هتحمل هتجيب بيبي واحنا هنربيه .
سليم : طيب ما نروح نتكفل طفل اسهل
جهاد : لا انا عايزه ابن من صلبك
سليم : قصدك ايه يا جهاد . مش فاهم
أنت تقرأ
حكايه و روايه (مجموعه قصصيه)
Fanfictionقصص قصيره ( كوميدي . دراما ) ١(مجنونه الصعيد)٢(حسنات) ٣(الصياد)٤بيت السلايف ٥(عاهات وتقاليد)٦( عفريت بكر)٧(حراميه ولكن)٨(خطا غير مقصود)
