عفريت بكر 👻
٤
تاني يوم رحت مع ماما عند الدكتور النفسي وحكيتله اللي بيحصلي وقالي اني ممكن اكون مرهقه
اداني علاج للتهيوات بس يا هل انا فعلا عندي تهيؤات وله الدكتور مش فاهم أن بكر هو السبب
بس بكر مسافر . اومال العفريت جه منين . الدكتور عنده حق وله ايه
رجعنا البيت وخدت العلاج وماما اكلتني. يا حبيبتي دايخه معايا. بس مش بايدي والله
ماما. : ها يا ندي. حاسه باي تحسن
ندي : هو انا لحقت يا ماما . دي البرشامه لسه متهضمتش في معدتي
ماما : انا غلطانه عشان بسال . بت رخمه
ندي : شكرا ي ست الكل. هو انا ليا غيرك في الدنيا. تعبتك معايا يا ماما . بس والله غصب عني
ماما : يعني أنا اللي ليا غيرك . كل يوم بدعي ربنا يشفيكي ويحميكي من كل شر. وان شاء الله قريب هيفرجها
ندي : يارب يا ماما . بس مش عارفه ليه حاسه ان دماغي تقيله . شكل العلاج ده بينيم
ماما : خلاص نامي يا حبيبتي. وارتاحي
خرجت وقفلت النور وانا حطيت راسي علي السرير
وقولت انام شويه .. ويارتني ما نمت
غمضت عيني وحاسه أن في حد بيلمس جسمي
حاولت اقوم بس مش قادره اتحرك . العلاج خدر جسمي بس عقلي لسه شغال وحاسه ان في ايد بتلمسني
عايزه اصوت بس مش قادره برضو
دموعي بتنزل وبحاول اصرخ ...
ماما دخلت عليا الأوضه تتطمن .. وفتحت النور
لقتني مفتحه عيني وبعيط
خافت عليا وحضتني وهي لتقرأ قران : مالك يا ندي .. حاسه بايه
برضو جسمي متخدر. بحاول اكلمها مش عارفه
خدتني في حضنها وبتقرا قران لحد ما نمت
فضلت جنبي وحاسه بيها وبصوتها نمت وصحيت
كانت لسه جنبي
ماما : عامله ايه يا ندي . لسه تعبانه
ندي : الحمد لله يا ماما . انتي انقذتيني . كنت حاسه اني بموت . في ايد بتلمسني ومش عارفه ايد مين وله شايفه
ماما : اعوذ بالله من الشيطان الرجيم . يعني العلاج مجبش نتيجه
ندي : لا . ومش هاخده تاني . ده شكله دكتور حمار .
ماما : خلاص يا بنتي . نشوف حد غيره
بصتلها بقله حيله. مفيش قدمنا غير اني اشوف حد تاني . مش هفضل عايشه في الرعب ده كتير . انا اعصابي تعبت
أنت تقرأ
حكايه و روايه (مجموعه قصصيه)
Fanfictionقصص قصيره ( كوميدي . دراما ) ١(مجنونه الصعيد)٢(حسنات) ٣(الصياد)٤بيت السلايف ٥(عاهات وتقاليد)٦( عفريت بكر)٧(حراميه ولكن)٨(خطا غير مقصود)
