حكايه و روايه (مجموعه قصصيه)

الصياد

[٢٥/‏٩, ١١:٥١ م] Yasmine: الصياد
٩

لا حول ولا قوه الا بالله

شوكار حالتها مش مستقره ..

حسام كان مع عز في المستشفي قاعد ساكت ودماغه فيها مليون حاجه

اما بقي جنه فهي بقالها يومين منمتش. سندت رأسها علي كتف عز وغصب عنها نامت

حسام : عز خد مراتك وارجع البيت . وجودك هنا ملوش لازمه هي في العنايه المركزه

عز بص لجنه اللي كانت شكلها تعبان اوي واتنهد

حسام : تعال اوصلك البيت

عز شال جنه اللي كانت مغمي عليها من التعب ومش حاسه باي حاجه

.....

في قسم الشرطه

ناجي قاعد بيتحقق معاه من الظابط

الظابط: متهم في قضيه الشروع في قتل السيده شويكار ..

ناجي: اللي كانت معايا في الشقه دي مراتي الاولي ( عفاف) وشويكار مراتي الثانيه واللي حصل كان خناقه عاديه علشان اول مره تعرف اني متجوز عليها..

الظابط : ايه اللي يثبت كلامك

ناجي : القسيمه في البيت وممكن حد يروح يجبها . عفاف ملهاش ذنب . ياريت تخرجها من القضيه

الظابط : يحبس ٤ ايام علي ذمه القضيه

.......
اليوم اللي بعده

صحيت جنه كانت في السرير لوحدها ..قامت تدور علي عز

كان قاعد بيشرب قهوه .. جنه: صباح الخير
عز ' : صباح النور .

جنه: اسفه انا نمت امبارح ومحستش بنفسي

عز: متتاسفيش . انتي كنتي تعبانه

جنه: جدا .. المهم انت منمتش ليه
عز: مجاليش نوم . جنه انا اسف علي كل اللي حصلك بسببي

جنه. : اللي حصل مش ذنبك يا عز. بلاش تحمل نفسك مسؤوليه كل حاجه .. دلوقتي يلا نجهز الفطار مع بعض علشان هموت من الجوع

عز : مليش نفس
جنه : لو مكلتش معايا مش هاكل ..يلا بقي متبقاش شرير

في المطبخ

عز مع جنه بيعملو الفطار

جنه بتحاول تخليه يضحك لانه مكشر بسبب اللي حصل

جنه: اقولك نكته
عز : لا
جنه : عند فيك هقولك . مره واحد غبي دخل السجن بيسالوه: ليه دوست الراجل بالعربيه؟

قالهم اصل جاتلي رساله مبروك كسبت ع
٥ دقايق مجانا . دوس واحد 😬

عز : متقوليش نكت تاني

. جنه: بص عندي واحده احلي . بيقولك مره واحد بخيل دهن حيطه واحده في الشقه وباقي الحيطان كتب عليها نفس اللون