الاخيره
.
لا اله الا انت سبحانك اني كنت من الظالمين
حطيت الحجاب تحت دماغي زي ما قال الراجل
ونفذت كل كلامه اما نشوف هيحصل ايه
..
ماما دخلت : ندي . حاسه بتغير .
ندي ' لا . مفيش اي تغير
ماما : يعني ايه الراجل ده طلع بيخرف هو كمان
ندي : معرفش بس لسه محصلش حاجه .
لسه بنتكلم النور قطع
ندي : كملت اهو النور قطع. يارب استرها
ماما بتقرا قرآن وانا مستنيه يحصل حاجه . الحمدلله
النور رجع تاني وبصيتلها : مفيش اي حاجه ظهرت . القطه مجتش يا ماما . انا بقيت كويسه ..
ماما فرحت وحضنتني. : الحمد لله . ربنا يخليه الشيخ ده ..شكله راجل طيب ..وبكر ربنا يكرمه .
ندي : اه يا ماما شكلي ظلمته .
كنت فرحانه جدا اليوم ده ، مش معقول كل حاجه عدت علي خير . نمت وصحيت تاني يوم وانا حاسه بكميه نشاط رهيبه
قولت خدت دوش وخرجت لماما فطرنا مع بعض زي زمان وانا بضحك
شويه والباب خبط وكان بكر
بكر : صباح الخير . اسف عشان جيت الصبح كده . بس كنت حابب اطمن عليكي . حاسه انك تعبانه زي الاول . وله احسن
ندي ؛ لا . الحمد لله انا احسن بكتير . امبارح النور قطع ومظهرليش اي حاجه .. تقريبا كده الراجل ده شاطر ... تعال ادخل
دخل بكر وماما سلمت عليه
ماما : انا مش عارفه اشكرك ازاي يا بكر . اللي عملته معانا عمري ما أنساه
بكر : ده واجب عليا يا ماما ..مش معقول اقف كده واتفرج علي ندي وهي تعبانه . بس انتم نسيتم أن ده حل موقت ولازم تكمل العلاج
ندي : تقصد ايه
بكر : اقصد أن الشيخ قال انك لازم تتجوزي عشان بعد كده مفيش حاجه تقرب منك
ماما : اه .. انا كلمت خالتك تشوف عريس
ندي : عريس ايه . احنا هنشتري فازه
بكر : وانا روحت فين بقي . . ماما انا طالب ايد ندي منك .. وياريت المره دي مترفضيش يا ندي . لاني بجد نفسي اكمل حياتي جنبك ومعاكي
ندي ؛ بكر انا قولت راي في الموضوع ده
ماما : سبنا نفكر وهنرد عليكي أن شاء الله يا بكر
بكر : ماشي يا ماما . بس انا اوعدك اني هعيشك عيشه عمرك ما عيشتيها .. وافقي يا ندي
خرج بكر وانا فكرت في الموضوع . ماما موافقه عليه وبتقولي أنه راجل ومحترم وقد المسؤوليه وأننا مشوفنش منه حاجه وحشه رغم معاملتيه ليه ..
أنت تقرأ
حكايه و روايه (مجموعه قصصيه)
Fanficقصص قصيره ( كوميدي . دراما ) ١(مجنونه الصعيد)٢(حسنات) ٣(الصياد)٤بيت السلايف ٥(عاهات وتقاليد)٦( عفريت بكر)٧(حراميه ولكن)٨(خطا غير مقصود)
