حكايه و روايه (مجموعه قصصيه)

حراميه ولكن

ال٣

سبحان الله وبحمده

جنات   نزلت تدور علي شغل وبالصدفه كان في اعلان في مركز علاج فاتح جديد ومحتاجين   سكرتيره

راحت تقدم  ...

وبعد وقت دخلت  لمكتب المدير  اللي كان بيقرا كتاب

جنات : السلام عليكم

نزل الكتاب من علي وشه .

جنات اتصدمت : دكتور فريد
فريد : انسه جنات .  ايه الصدفه الحلوه دي . رحمه اخبارها ايه
جنات : رحمه بخير الحمد لله . انا كنت جايه اقدم علي الوظيفه ، انت بتعمل ايه هنا

فريد ابتسم : اتفضلي اقعدي الاول . تشربي ايه
جنات : وله حاجه . انت تعرف المدير

فريد :  اه اعرفه عز المعرفه
جنات : اممم . كويس هو صعب وله عادي

فريد ؛  احكمي عليه بنفسك . بس لعلمك مش هتلاقي مدير احسن منه واللي يشكر في نفسه يبق ابليس

جنات  : تقصد ايه .. انت المدير . هو انت مش دكتور
فريد : اه دكتور.   وفاتح  المركز ده كمان.  

جنات : ما شاء الله ، ربنا يزيدك

فريد : تسلمي ، قوليلي بقي متخرجه من ايه

جنات : لسه بتعلم في الجامعه

فريد : هتقدري توافقي بين شغلك والدراسه
جنات : اه ، أن شاء الله ..

فريد قرر يساعدها هو عارف انها عايشه لوحدها مع اخواتها البنات

جنات كانت قلقانه يرفض  معندهاش خبره  بس هي عايزه تكسب بالحلال

فريد :  قوليلي اوقات الجامعه بتاعتك علشان نظبط وقت الشغل

جنات : بتتكلم بجد
فريد : اه .

جنات بسعاده  : ربنا يخليك يارب انا مش هروح الجامعه وفاطمه هتجبلي المحاضرات 

فريد :  لا ازاي .لازم تروحي الدراسه اهم شئ

جنات : انا هدرس اما ارجع البيت

فريد : طيب انا عندي حل احسن . المركز هيبدا شغل من الساعه ٦ لحد الساعه ١٢  بليل .  هتكوني رجعتي من الجامعه

جنات  فرحانه حاسه ان ربنا واقف معاها علشان قررت تبدأ صح  وتبعد عن النصب والسرقه

.....

مع سندس كانت بتضرب من الستات في السجن  

شهاب في مكتبه  : روح يا بني هات سندس
العسكري : تمام يا فندم

نزل العسكري الزنزانه  وخرج سندس اللي كان وشها كله وارم من الضرب

شهاب : يا نهار ابيض ايه اللي عمل في وشك كده يا سندس

بصتله بكره واتمنت وقتها تقتله

وقف قدمها : شوفتي اللي مش بيسمع كلامي بيتعاقب ازاي .   فكري بالعقل وافقي علي اللي قلت عليه أو هتنزلي الزنزانه تاني  ويرحبو بيكي تحت