( اسرقني شكرا)
الاول
وقفت في عربيه السيدات في المترو وماسكه رأسها وقعت علي الأرض واغمي عليها
اتجمعت الستات : حد يجيب مايه
واحده تانيه : يا حبيبتي يا بنتي .
واحده تانيه: ابعدو عنها شويه علشان تتنفس.
وبعد شويه فتحت عينها : انا فين . ايه اللي حصلي
واحده : انتي وقعتي من طولك فجاه
البنت: اه افتكرت . تقريبا الضغط كان واطي
وقف المترو في المحطه وهي نزلت مع مجموعه من الستات وهي بتضحك
فتحت باب شقه قديمه ودخلت
كان في ٣ بنات قاعدين منهم بنت لسه صغيره عندها خمس سنين
جريت البنت : كنتي فين يا فاطمه
فاطمه شالتها : كنت بجيب الاكل يا روح فاطمه . يلا تعالو يا بنات جبتلكم فراخ مشويه وكفته
نطقت الصغيره: ريحه الاكل حلوه اوي . انا جعانه . يلا ياسندس انتي وجنات تعالو بسرعه
سندس: اهدي شويه يا رحمه قلبك هيقف من الفرحه
رحمه الصغيره: اصل انا جعانه اوي . اعملكم ايه .مش انتم اللي مش بتاكلوني
جنات : شوف البت يعني احنا معانا وقولنلك لا
فاطمه طبطبت علي رحمه : سبيها تاكول حرام عليكي
قعدو يأكلو الاربعه
وبعد كده قعدو يشربو الشاي ..ورحمه نامت علي رجل فاطمه
جنات : جبتي كام انهارده
فاطمه : معايا ٤ الف .
سندس : انا هنزل شغل بليل واحاول اقلب اي مبلغ يكفونا لاخر الشهر
جنات : عايزين نشوف حد ياخد فلوس ويضرب للبت رحمه ورق علشان تدخل المدرسه .. مش كفايه احنا متعلمناش
سندس : وكنا هنتعلم فين يا ختي.. عند الكتعه في الخرابه ..
جنات : يادي ام السيره الهباب دي . انسو بقي اهي اتحرقت هي وخرباتها
فاطمه : ماتت الموته اللي تستحقها
.. ....
الثلاثه بيفتكرو حالهم وهما صغيرين
جنات كانت في الجنينه مع اهلها بتلعب. واتخطفت
من الكتعه بعد ما اديتها شوكولاته فيها منوم كان عمرها ٥ سنين
أما بقي سندس فهي مامتها كانت تعبانه ودخلت تكشف وسبتها مع الكتعه اللي كانت عامله نفسها طيبه خدتها ومشيت كان عمرها سته سنين
فاطمه ودي حكايتها غير خالص. علشان اللي ودها للكتعه واحد من صحاب ابوها سفرها من بلد لبلد وهي مش فاكره كانت ساكته فين . مش فاكره غير أن اسمها كان فاطمه حسن الدمنهوري لكن متعرفش مين هو بالظبط ابوها
أنت تقرأ
حكايه و روايه (مجموعه قصصيه)
Fanficقصص قصيره ( كوميدي . دراما ) ١(مجنونه الصعيد)٢(حسنات) ٣(الصياد)٤بيت السلايف ٥(عاهات وتقاليد)٦( عفريت بكر)٧(حراميه ولكن)٨(خطا غير مقصود)
