حكايه و روايه (مجموعه قصصيه)

عاهات وتقاليد٢

عاهات وتقاليد

الثاني

في بيت خفاجي

خرجت دهب من الحمام وهي لسه لابسه الفستان وعلي وشها الطرحه

فارس. : وه . انتي لسه لابسه الخيمه دي

دهب : معرفاش اغير في الحمام .. اخرج بره الاوضه خليني اغير خلجاتي

فارس : وش كسوف أياك

دهب : اه وش كسوف.   ويلا من أهنأ

فارس : ما تتكلمي عدل يا بت انتي .مش عايز امد يدي عليكي

دهب : هو عنديكم بتتضربو الست .. وه وه .. بس عادي مستغربش حاجه منيكم ما انتم قاتلين قاتله

فارس ضرب الحيطه بايده وهو بيبصلها بغيظ : بقولك ايه  يا اسمك ايه انتي انهارده .. معيزش كلام كتير ولمي لسانك الكويل ده . عندنا اما يكون في بهيمه شارده بتتربي اما بتضرب زيك أكده

دهب : انا بهميه يا تور

فارس مسك ايدها جامد وهي كانت هتعيط بس طبعا مينفعش تظهر ضعفها قدامه لانه عدوها

فارس : اول واخر مره اسمعك تقلي مني ..اياكي . والله العظيم لأكون  معلقك من رجليكي زي الدبيحه وانتي حره بقي ..

سابها وخرج من الأوضه وهي بسرعه قفلت الباب بالمفتاح : ابق نام علي السلم يا كبير البهايم .. مش دهب اللي تخاف وله دراعها يتلوي .  

بصت علي أيدها : جاك خابط

نزل فارس علي مزرعه الخيول وقعد جنب حصانه الاسود  : والله القاعده معاك يا رماح احسن من الجموسه الهبله اللي فوق.  

الحصان حرك رأسه وهو ضحك :  معرفش شكلها هتلاقيها شبهه العفريت ، اصلها خايفه ترفع الطرحه لاتصدم من وشها العكر .  بس ميهمنيش.   انا  قريب قوي هتجوز  نسمه 

خرج الموبيل واتصل بيها. : الو يا حبيبتي

نسمه : زعلانه منك يا فارس . كده متتصلش بيا بقالك يومين

فارس : مشاغل يا حبيبتي . انتي كيفك

نسمه : الحمد لله .. قولي اخبار البلد عندكم ايه .. لسه جدك رافض جوازنا

فارس :  هو قالي لو عايز اتجوز يكون بعيد عن البلد .. كل سبوعين واجيلك ونتجوز

نسمه : من غير اهلك يا فارس .  ازاي يعني

فارس : وفيها ايه يا حبيبتي .  المهم انك هتكوني ليا يا حب عمري

نسمه :  معرفش بابا هيوافق وله لا ..

فارس :  لازمن يوافق يا نسمه .. انا رايدك يا بنت الحلال

نسمه ضحكت : يا عم بقي . متكسفنيش . 

ضحك فارس وكما كلامه معاها
.....

  مع عز ونور

خبط عز علي الباب... نور استغربت لبست الاسدال بسرعه وفتحت الباب : مين