حكايه و روايه (مجموعه قصصيه)

الثاني

فريسه في شباك الصياد
الثاني

لا حول ولا قوه الا بالله

  صحيت الصبح جنه وهي كلها نشاط عكس الشهور العشره اللي قبل كده

لبست وخرجت من البيت

راحت علي مكان عز أو انس بس  في احساس جواها بيقولها أنه عز

وقفت قدام البيت ومش عارفه تخبط عليه وله تمشي .. بس قررت متضيقوش وتقعد علي جنب  قدام البحر لحد اما يخرج

  
  بعد ساعه كان خارج وهو لابس بدله الغطس

جنه بفرحه : ع.. قطعت الكلمه ونادتله انس.  انسس

وقف وبص وراه وهي قربت : اذيك

انس : انتي تاني
جنه : طيب قولي صباح الخير الاول وله اطمن عليا

انس. : قولتلك انا مش عز اللي تعرفيه وابعدي عني

جنه  بصتله وعيطت . وهو نفخ :  ارجعي لاهلك

جنه  بدموع: لا..

انس : انا مش فاضي عندي شغل ...

مشي انس وهو متعصب وهي وراه برضو لحد اما عرفت انه بيشتغل مدرب غطس

قررت تستغل الفكره وتقرب منه أنها تطلب يكون المدرب ليها

...

  الموبيل بيرن وكان انور والدها : الو يا بابا

انور : انتي فين . وليه خرجتي بدري كده

جنه : مفيش يا بابا . بس كنت . اه كنت بشم هوا  وقولت اخرج شويه

انور : يعني من غير ما تقولي

. جنه : يا بابا  انا مش صغيره وبعدين كنت عايشه في القاهره لوحدي . اشمعانه دلوقتي يعني معترض

الام خدت الموبيل : علشان انتي تعبانه ولازم تروحي لدكتور نفسي

جنه : انا مش مجنونه يا ماما . ازاي عاقله ..ومش ذنبي لو انتم مش حاسين باللي بمر بيه

قفلت جنه الموبيل وهي بتعيط ..

وأنور بص لمراته : ايه اللي عملتيه ده يا سناء . ليه تقوليلها كده وتجرحيها

سناء : اهو اللي حصل . انا اصلا هتجنن من عمايلها

انور : بنتك في مشكله يا سناء . مفروض تحافظي عليها مش تجرحيها

.....

انس كان خارج من مكتب اللي بيشتغل فيه وشاف جنه قاعده بتعيط علي جنب .. وميعرفش ليه قرب منها

انس : بتعملي ايه هنا
هي مردتش عليه وبتعيط

انس : مش بكلمك .. ردي أو امشي متقعديش هنا تعيطي ...

جنه وقفلت وبصتله : انا اسفه لو بدايقك . همشي خلاص

انس مسك أيدها : استني هنا