حكايه و روايه (مجموعه قصصيه)

الثامن

عاهات وتقاليد

١٣

سبحان الله العظيم

في بيت الخفاجي

دهب في أيدها الموبيل  ومش مصدقه اللي هي شايفه معقول اللي في الصور ده هو فارس ..
هي دي هديته اللي قالها عليها .  كدب مطلعش مع صحابه.  رح يتجوز من ندى

عيطت كتير وانهارت وقررت تمشي وتسيب البيت وتطلق.  بس مش قبل ما تعمل اي حاجه تخفف بيها عن وجهها

مسكت المقص وفتحت الدولاب وقصت كل هدومه

كسرت الاوضه كلها 

من صوت الكسر دخلت ام فارس واتصدمت اما شافت الاوضه

الام. : في ايه يا دهب.   ايه اللي حوصل

دهب : مفيش  حاجه.  نادي حد من تحت يجي ياخد الشنط

الام : شنط ايه دي .  انتي ماشيه

دهب : ايوه ماشيه . ولو سمحتي مش عايزه حد يكلمني

الام : جرا ايه يا بتي .   رايحه علي فين . ده بيتك

دهب : لا .  ده مش بيتي وله عمره هيكون . قولي لابنك  يجي يطلقني احسنله . بدل ما اولع في البلد كلها

الام : دهب .  اتكلمي بهدوء وبلاش الأسلوب ده .  حوصل ايه لده كله

دهب : ابنك اللي مش محترم .  رح اتجوز عليا.   قالي أنه مع صحابه وهو مع ندي

الام : لع .. فارس ميعملش أكده

دهب  فتحت الموبيل.  : اهووو.  شوفتي ابنك .. انا بكرهه  ، كان يوم اسود يوم ما اتجوزته

الام : اقعدي يا بتي وانا هتصل بيه.  اسمعي منه . 

دهب.  : اسمع ايه .  هو لسه في حاجه هيقوله

الام : ده بيتك يا دهب وده جوزك .  اديله فرصه . هخليه يطلقها ..

دهب :  لا.    انا اللي هطلق .. 

خرجت دهب من البيت وهي جواها نار من فارس

.....

في بيت فايز

طلع لجهاد. : قومي يلا علي المطبخ

جهاد : ملكش صالح بيا
فايز :  تاني .  يا جهاد . مش هتتعلمي من اغلاطك

جهاد عيطت : سبني حرام عليك.  انا مش عايزه حاجه

فايز :   حرام عليا وله عليكي . بوظتي اليوم  اللي كنت بحلم بيه من سنين

جهاد : انت اللي اتجوزتني  غصب عني وعارف انس قلبي مش ليك

فايز : قلبك لواحد مش شايفك اصلا وله حاسس بيكي .  انتي ايه معندكيش كرامه .  بتبيعي اللي شاريكي وتجري ورا واحد مش عايزك . انتي مش بتحسي . 

جهاد  :   هو الحب ده بايدنا .  عشان سهل أكده اسيبه

فايز : انتي لا حبيتي وله عمرك عرفتيه انتي  مش طايقه نفسك عشان هو اتزوج وسابك.   هو ده اللي قهرك