حكايه و روايه (مجموعه قصصيه)

ضربه حظ ٢

👑 لا إله إلا الله 👑

سافرت حسنات بعد ما ودعت العائله بحزن ودموع ..بس هي عايزه تعيش التجربه دي

  سافرت لبنان وكانت في الاول  بتتكلم مع سعاد وتطمن عليها. . بس انقطعت اخبارها بسبب انشغالها في الحياه

البرنامج كان عامل الجزء التاني من الجائزه أنه يغير حياه اللي هيشتركو و علشان حسنات مكنتش مهتمه بنفسها

فهي   استفزت ناس كتير من خبراء التجميل  وقررو أنهم يغيروا  فيها .. يعلموها الأسلوب الراقي والتعامل مع الناس بشكل لبق الاتيكيت  ازاي تهتم بجمالها وشعرها اتحول من سلك مواعين لشعر حريري

هتقولو ازاي.  اقولكم شربت مايه كتير ونامت بدري
ههه بهزر اكيد يعني بسبب الكريتين والبروتين والحاجات اللي زي دي.  

الفلوس ياساده بتعمل اي حاجه وعلي راي المثل
( لبس البوصه تبق عروسه) ( والفلوس بتخلي العجوز ننوس)

دخلت حسنات في برنامج مكثف وكانت حديث الاعلام في لبنان ومراحل تغير حسنات الي ساسو

الموديل المعروف والوجهه الاعلانيه لماركات كتير

بعد سنتين  رجعت حسنات وله نقول ساسو الي مصر وهي معاها فلوس كتير بسبب شغلها والحقيقه أنها نزلت مصر علشان شغل كمان .  بس اول ما نزلت من الطياره حست بحنين غريب 

نزلت في فندق   

.. في اوضه الفندق كانت قاعده بتفتكر رحلتها  اللي غيرت كتير فيها ( من الالف الي الياء)

ساسو وهي واقفه قدام المرايا : يا تري لسه فاكرني وله خلاص نسيوني.    كلهم وحشوني .

بكره إن شاء الله هروح اول حاجه الشركه وارخم علي .. اقوله بدر وله سي بدر .   .    اصلا هو مش هيعرفني.. بس هعرفه عن نفسي ... و بعد  كده هروح اطمن علي الست سعاد

..... نامت ساسو وتاني يوم فاقت بنشاط وعملت الرياضه اللي اتعودت تعملها في اخر سنتين من حياتها  . خدت شاور ولبست احسن فستان عندها وطلبت عربيه  توصلها للشركه 

دخلت الشركه وهي لابسه نضاره شمس وشكلها  جميله

وقفت تسال العامل : فين مكتب أستاذ بدر المنياوي

العامل : الدور التاني يا فندم. 

ساسو : اوكي .

طلعت والسكرتيره سالتها عن سبب الزياره  وادتها الكارت  بتاعها

ثواني و قالت لها تدخل .  .. 

في المكتب

وقف بدر اول اما شافها: اهلا وسهلا . اتفضلي حضرتك

ضحكت ساسو  : اخبارك ايه
بدر : تمام  .  احم . هو احنا اتقبلنا قبل كده

ساسو : ليه . بتشبه عليا
بدر :   صوتك مش غريب  ، متهيالي انتي ممثله