حكايه و روايه (مجموعه قصصيه)

السادس

عاهات وتقاليد

٩&١٠

سبحان الله وبحمده

فارس : ها ي سويلم هتفضل ساكت اكتير .  مش قولت هتتكلم ..  ي جدي . شكله أكده رجع في كلامه . نخلص عليه

الجد : نادي عاشور والرجاله تيجي يا فارس . 

سويلم : لا . حن عليك يا حاج خلاص هتكلم ..

فارس : اخلص . عشان خلقي ضيق وانت خلاص  جبت اخرك معايا ي سويلم

سويلم : بص يا بيه.  اللي اعرفه ان الموضوع كبير وفي يد من العايله وخارج العائله كمان

الجد : تقصد مين يا سويلم .

سويلم : من قبل الحريقه اللي حصلت  وهما متقفين مع بعض عشان الصلح ميتمش ويفضل التار بين  العايليتن

فارس : هما مين دول

سويلم : اسمعني يا بيه .. اللي حصل يوم الخناقه  واتصاب فيها عز  المنصور مكنش النيه هو . كانت انت .  وده سمعته من الراجل اللي شغال مع   حسنين الخفاجي

الجد : انت عتقول ايه يا واكل ناسك .. حسنين ميعملش أكده واصل

سويلم : عشان أكده مكنتش عايز اتكلم .  هو السبب ومعاه واحد من عايله المنصور .  بس معرفش اسمه .  

فارس : وايه اللي أكد كلامك

سويلم : الواد سعيد شغال مع حسنين بيه وهو اللي  اتفق معايا اوقع الست مرتك في مشكله .  عشان يحصل بينكم خلاف .  وأما فكرت

الجد : قولت تحرق الارض .. وتوقع  مرت فارس في الحوار

سويلم : انت وعدتني يا بيه  .

فارس : وعدك ميضربوكش ..بس مش عتخرج من أهنأ .. 

بهانه : وانا يا بيه ..مليش دعوه . حرام انا عندي عيال

الجد : انتي سرقتي .. ولو حق ربنا . نقطع يدك ..

بهانه : احب علي يدك يا حاج  ، والله توبه .. عندي عيال عايزه اكلهم

فارس : معلش يا جدي ..   انا مسامحها .   سيبها لعيالها

  الجد : ماشي يا فارس .. بس ملكيش شغل اهنا .  مش هامن عليكي . اللي يسرق مره يسرق التانيه

عيطت بهانه : والله يا حاج . كانت وزه شيطان

الجد : روحي لعيالك يا بهانه .. ربنا يسامحك .

سويلم : وانا يا حاج ..

الجد : انت هتفضل أهنأ .   لحد ما اشوف هعمل ايه معاك ..

خرج فارس والجد بعد ما سابو لهاته اللي باست علي ايده وشكرته أنه عفا عنها

.......

في بيت المنصور

كان واقف في مزرعه الخيل وهو بيفكر في حل عشان يوقع اللي عمل كده