خطأ غير مقصود
الخامس
اول ما عرف عاطف أن يونس كويس معندوش غير شويه كدمات كان هيتجنن ازاي ده يحصل اي حد في حادثه زي دي. مش هيخرج منها سليم
في النادي
عاطف: الف سلامه عليك يا يونس. انا مش مصدق أن كل ده حصلك. انت بعد كدا متسوقش لوحدك يا جدع
يونس : الحمد لله. ربنا سترها معايا. وقدرت انط من العربيه قبل ما تتقلب
عاطف : الحمد لله. خدلك اجازه وريح نفسك. بلاش تجهد صحتك. احنا محتاجينك انت مش صاحبي انت اخويا
يونس ابتسم : ربنا يشهد يا عاطف. انا بحبك ازاي . بس متقلقش انا روحت المستشفي وعملولي فحص والحمد لله. كدمات بسيطه
الكابتن : انا أجلت المباره عشان تعرف تلعب .. عاطف عنده حق. لازم الفتره دي ترتاح خالص . عاطف هو اللي هيلعب المبارات العاديه. بالنسبه لمباراه مع بطل العالم هتتاجل لحد ما انت تكون كويس
وبكدا المباره اتاجلت. في المستشفي
مدير المستشفى في مكتبه . خديجه معاه
: نعم حضرتك. الممرضه قالت انك عايزني
المدير : اقعدي يا خديجه. انا طلبت اقبلك عشان احيكي علي مجهودك. انتي عندك تقدم وشغف في الطب. بإذن الله هتكوني اشطر وامهر جراحه في الوطن العربي كله
خديجه : دي شهاده اعتز بيها يا فندم
المدير : انا بقول الحقيقه. من وقت ما كنتي بتدرسي كنت بشوفك مع دكتور علي بتتمرني معاه ولحد دلوقتي بقولك انك فعلا تستحقي تكوني دكتوره وعشان كدا مرشحك من ضمن الدكاتره اللي هتكون معايا في العمليه بتاعت بكره.
فرحت خديجه لان العمليه دي مهمه وهي هتتعلم كتير
.... مع روكا كانت بتقيس ضغط مريض
: الضغط عالي شويه. متاكد انك خدت العلاج.
المريض : ايوا خدته بس امبارح
بصتله بقرف: اهبدك بالجهاز علي دماغك. هو مش مفروض تاخد الدوا كل يوم.
المريض : انا نسيت يا دكتوره. مش مفروض تعاملي المريض احسن من كدا
ردت عليه : عندك حق. مفروض كل يوم اسيب المستشفي واجيلك البيت أخبط علي حضرتك . واقولك قوم يا توتو قوم خد الدوا يا حبوب. مش كدا
المريض : ياريت يا دكتوره . كل يوم اشوف وشك القمر ده علي الصبح
وقفت : ايه رايك افتح دماغك واخليك تكره تشوف وشي القمر
الباب اتفتح ودخل( علي) على صوتها : في ايه
جري المريض: امسكها ابوس ايدك انا خارج من هنا ومش هاجي تاني .
أنت تقرأ
حكايه و روايه (مجموعه قصصيه)
Fanficقصص قصيره ( كوميدي . دراما ) ١(مجنونه الصعيد)٢(حسنات) ٣(الصياد)٤بيت السلايف ٥(عاهات وتقاليد)٦( عفريت بكر)٧(حراميه ولكن)٨(خطا غير مقصود)
