حكايه و روايه (مجموعه قصصيه)

الاول ( عاهات وتقاليد)

الاول

وقفت دهب قدام جدها وهي مصدومه من اللي بتسمعه. : مستحيل اتجوز منهم يا جدي .. كيف عايزين اروح برجلي للناس اللي قتلت ابوي

الجد : ميوقفش الدم الا النسب يا بتي

دهب : وانت هتامن اني اعيش وسطهم . هترضها علي

الجد : مفيش حل غير أكده  ، هتفرحي اما تشوفي اخوكي عز  مرمي قدامك

دهب : محدش يقدر يقرب لأخوي.  ده انا كنت قطعتهم بسناني دي

الجد :  انا خابر  انك عاقله يا دهب . وعارف منيح انك هتقدري تعيشي وسطهم وزي ما انتي هتتجوزي منهم .. اخوكي كمان هياخد  منهم

دهب : وهما هيرضو يجوزو بنتهم لاخوي

الجد : ايوه .   امبارح عملنا قعده عرب و ده حكم لازمن العايلتين ينفذو والا بقي هيخلف فينا يكون هو البادي بالشر 

مقدرتش ارد . اصلي مش هينفع اقبل وله ارفض ده قرار منتهي ،  طلعت اوضتي  اعيط

نسيت اعرفكم علي نفسي

انا دهب منصور ، ٢٢ سنه .. من أكبر العائلات في الصعيد يتيمه الاب .  عايشه مع جدي واخويا وامي واعمامي في بيت العايله  الكبير ..

ابويا مات بسبب تار من عائله الخفاجي  دي اكبر  تاني عايله بعدينا وللاسف   التار ده مستمر من عشرين سنه   ،    ومش هينهي النار غير جوازي من ابن الخفاجي.   

.....

في دار الخفاجي  كانت الجو مشحون بعد ما عرفو من  الجد قراره في الموضوع

وقف فارس بهيبته  : اختي مش هتتجوز من عايله المنصور .. كيف يعني ارميها للنار بيدي

الجد :  هتكبر علي يا فارس ..  بتزعق في وش جدك . هي دي ترىيتي ليك

فارس : يا جدي .  مقصدش وحقك عليا . بس كيف ترضي بكده

الجد : مفيش حل غير أكده.  اختك هتتجوز من ابنها وانت هتتجوز من بنتهم

فارس : انا خاطب يا جدي ..

الجد :   انا قولت كلمتي ومن الاول وانت خابر راي في خطوبتك من المصرويه عايز تتجوز  من واحده متعرفش عوايدنا   .. يبق تتجوزها اهناك بعيد عن البلد . لكن أهنأ هتتجوز بنت المنصور . 

فارس : يا جدي انت أكده بتظلمني .  

الجد : ايه الظلم في أكده .  اختك نور عاقله وعرفت مصلحه العايله ووفقت  ..خلي بالك دي بنت .  ما بالك انت بقي الراجل العاقل اللي مفروض توافج  من غير وجع راس جاي تصرخ ومش عاجبك

فارس :   نور كيف توافق .. هي مستغنيه عن روحها

الجد : ملكش فيه يا فارس ولو رافض قولي واكسر عيني  قدام أهل البلد . يبق المنصور عرف يحكم علي اولاده وانا معرفش احكم عليك