حكايه و روايه (مجموعه قصصيه)

مجنونه الصعيد ٢

مجنونه الصعيد

الثاني

سبحان الله وبحمده

جاسر وشادي كانو نايمين وصحيو علي صوت دوشه جامده

خرج الاثنين من استراحه الضيوف

وكان في عدد كبير من البقر والجاموس والخرفان بيجرو وهنادي بتجري وراهم وشعرها منكوش ورجلها كلها طينه

وكارم وأم هنادي  والعمال بيجرو ورا بعض

هنادي وهي بتطنط : هيهيه هيه .   الي الحريه . لقد حرررتكم من سجنكم ..انطلقو في امان.. هيلا هوووب

شادي باستهزاء : الحق يا جاسر , حررت البقر من أسر جدها
جاسر : عقبالك

شادي : ليه انت شايفني مسجون
جاسر : لا شايفك من ضمن البهايم

شادي  لسه هيتخانق مع جاسر ..شاف خروف بقرون كبيره بيجري عليه

جاسر : الحق اجري الخروف هينطحك ..ومستقبلك هيضيع

شادي :لا ...   يا لهووووي .. اشمعانه انا

جاسر بصوت عالي : من الأحمر اللي انت لابسه . تقريبا اللون ده بيستفزه

جري شادي والخروف وراه

جاسر قرب من هنادي ومسك ايدها علشان كانت بتجري ورا الحيوانات وماسكه عصايه بتضرب فيهم يكملو جري وميقفوش

جاسر : بس اقفي  هنا .
هنادي : نزل ايدك ياض.   هقطعهالك

جاسر خد العصايه ورماها بعيد': سيبي اللي في ايدك .. ممكن افهم ايه اللي عملتيه

هنادي : معملتش حاجه يا عم
جاسر : لا عملتي . خرجتي الحيوانات ليه من مكانها
هنادي : علشان تهرب .

جاسر : تهرب تروح فين ..هما مكانهم هنا في البيت

هنادي : وانت مالك  هو حد من البهايم اشتكالك
جاسر : يعني هو كان حد اشتكالك انتي

هنادي : اه.  قالولي أنهم مخنوقين

جاسر : هما قالولك كده .
هنادي : اه.  حصل . وانا نفذت طلباتهم

جاسر : عارفه اللي بيكدب بيروح فين
هنادي : بيروح الشغل

جاسر : لا بيروح النار يا لمضه .

.....

وبعد وقت قدرو يدخلو الحيوانات الزريبه تاني

جاسر بيتكلم مع هنادي وهي مش مقتنعه وعماله ترد الكلمه بكلمتها

كارم : شكرا يا دكتور.  اخيرا عرفت تسيطر علي الجاموسه الهبله دي

هنادي : انت الجاموسه بسسس

كارم قرب يضربها ..بس هي استخبت ورا جاسر

جاسر :  ممنوع الضرب.  هي مش في واعيها