حكايه و روايه (مجموعه قصصيه)

الثالث والرابع

الثالث

خطأ غير مقصود

👑 سبحان الله وبحمده سبحان الله العظيم 👑

في الجامعه كان كل مجموعه طلاب متجمعين علي الماده اللي قدمهم

الدكتور : انا شايف أن كلكم معاكم المواد. انهارده اول يوم  وهيكون صعب عليكم وعلي طبعا   ماده التشرح مش سهله .. اي حد هيحس أنه هيغمي عليه.   يخرج من المكان.   يلا بسم الله

اول ما بدا يشيل القماش من علي الماده اللي قدمه وقعت روكا علي الارض أغمي عليه وكذا بنت

الدكتور : انا مش فاهم انتم داخلين طب ليه ..بدل ما انتم   حساسين اوي كدا.  يلا مش مهم بكره تتعوضو ..   الاخ اللي هناك عينك احولت

عمر : ها .  انا تمام ي دكتور.  كمل بس يا ريت وانت بتسلخ  تخلي بالك

وقع علي الارض هو كمان. 

الدكتور : كدا العداد قل واعرف اشرح علي روقان.  هنا بقي المعده ونمسك بالطريقه دي

خديجه كانت بتحاول ميغماش عليها من اللي هي شيفاه ده .. بصت ليونس

يونس  قالها : هجيب كل اللي في بطني ..مش قادر.  المنظر مقرف اوي

ضحكت وقالت : فعلا .  انا واقفه بالعافيه  . الموضوع طلع صعب مش سهل

يونس : اه نسيت اقولك انا مسافر عشان عندي بطوله  ومش هعرف احضر المحاضرات . فلو يعني ممكن تعملي حسابي في تلخيص المحاضرات

خديجه : انت بتطلب مني ارد جميلك عليا.

يونس : لا مقصدش . انا.

ضحكت : بهزر معاك.  متقلقيش سافر وهعملك ملخصات في كل المواد.  المهم تجيب  الميداليه الدهبيه وانت جاي

ابتسم يونس : أن شاء الله ..  شكرا يا خديجه واسف علي اسلوبي معاكي . 

خديجه : خلاص يا كابتن انسي كل حاجه ، انا نسيت كمان

استغرب أنها سامحته بسهوله بس الحقيقه ان خديجه كانت فاهمه كل اللي بيمر بيه يونس

..  بعدها سافر يونس  المسابقه وخديجه كانت بتابع  الدراسه وكالعادة متفوقه والكل بيشيد بيها

بعد أيام رجع يونس بالميدالية  ، متفوق  في الرياضه كل وسائل الإعلام بتتكلم عنه وازاي قدر يحقق نجاح كبير وده خلي  كتير من الناس كارهين النجاح ده ومنهم أبو يونس

اول ما يونس رجع البيت وهو  فرحان متوقع أن أبوه هيستقبله بترحيب

بس للاسف  كالعاده كان قاسي عليه

ساجد :  عملت اللي انتي عايزه روحت جريت تلعب لعبه اطفال . دلوقتي تركز في مستقبلك الامتحانات قربت