حكايه و روايه (مجموعه قصصيه)

حراميه ولكن

سبحان الله وبحمده .. سبحان الله العظيم

الساعه ١٢ ظهرا

كانت سندس واقفه قدام الشقه اللي شهاب ادها عنوانها وهي بتترعش   ..وبتفكر تهرب  بس وقتها البنات هما اللي هيدفعو الحساب

  الباب اتفتح وظهر شهاب وهو مبتسم :  في ميعادك بالظبط

سندس : انا مش عايزه ادخل

مسك أيدها : ايه كده بس يا سوسو .  مش احنا اتفقنا واتكلمنا الف مره .

سندس  بدموع:  انا مش كده والله عمري ما عملت كده

شهاب ؛ كلهم بيقولو كده وفي الاخر بيطلع حاجه تانيه

سندس عيطت : والله العظيم محدش لمسني قبل كده

شهاب : قالو الحرامي احلف

سندس منهاره في العياط وشهاب شدها  دخلت وقفل الباب

شهاب :  ادخلي الاوضه دي.  هتلاقي قميص البسيه

سندس :  انا

شهاب زعق : اخلصي يا سندس .. ١٠ دقايق وتخرجي ولو مخرجتيش هدخلك انا.  فاهمه

سندس ؛ اه.  حاضر

دخلت سندس الاوضه وهي بتترعش

.......

في المدرسه 

اتصل شاهين بفاطمه

ردت بخوف : الو .  في ايه

شاهين :  انسه فاطمه . لو فاضيه ممكن تيجي  المدرسه

فاطمه : رحمه كويسه .ارجوك طمني

شاهين : والله كويسه واهي قدامي.  هي بس تعبت شويه 

فاطمه : تعبت ازاي . اقفل انا جايه حالا

شاهين ؛ يا انسه ..ثواني

بس هي كانت قفلت .  شاهين ؛ عاجبك كده . اهي اتخضت عليكي
رحمه : انا قولتلك متتصلش بيها

شاهين. : ازاي متصلش  .. انتي اغمي عليكي من غير سبب

رحمه : لا . اصل انا عارفه السبب

شاهين : السبب ايه  ؟ قولي

رحمه : هقولك بس متقولش لفاطمه 

شاهين ؛ قولي يا شقيه .
رحمه : انا كلت شوكولاته

شاهين  بصلها بأسف ..رحمه ؛ انا عارفه اني غلطت بس نفسي فيها . اشمعانه الولاد يكلو وانا لا

شاهين :  انتي ممكن تاكلي شوكولاته بس قطعه واحده . اصلا الشوكولاته مضره بالصحه وبتسوس الاسنان ..

رحمه : المره الجايه هاكل قطعه واحده

......

سندس قاعده في الاوضه وهي بتعيط بعد ما غيرت هدومها