🙈الجزء 628🙈
أصبحنا وأصبح الملك لله
زهير: (حل عينو بشوية مع حداهم الجامع سمع صوت الأذان شاف فليسر ديالو حيت كان مزال مشعولين دوك ضواو كانت أمال ناعسة قالبة وجهها للجهة الأخرى ولكن شعرها حدا راسو وكيبان غير كتفها عريان باسو بشوية وناض كان كولو عريان بكترة منين ناض من فوقها وهو كيحاول غير يسكتها من لبكى والحريق محس براسو منين نعست جبد عليها حتى هو دخل للحمام ومسفح شعل الدوش للي دغيا دوش توضى وخرج لابس بينوار حل فجر جبد شورك لبسو ولبس عبايتو للي علقاتها أمال فلعلاقة صلا زول العباية حاطها فوق كرسي ورجع ليها من بعد مكفا دوك ضواو ودغيا رجع نعس...)
~~~~~~~~~~~~
هند: (كانت باتت فدارها وحتى شيماء بقات معاها غير ناضت تفكرت أمال للي مبقاتش غتسكن معاها بقا فيها الحال حيت بفراغ خاايب ولفاااتها كتر من بزااف وهاد أيام توجااد العرس كان حماس زوين واخا الحاجة شحال طلبت ورغبت هند تبقى معاها على مترجع حنااها ودوز معاهم عيد لكبير.. صونات على أمال تيليفونها طاافي بقات كدور فالدار معارفة مدير.. محست غير هزت طموبيلتها ونيشان للمحال عند وليد دخلات كان المحال خاوي وهو كيعاود لفطور مع صحاابو غير شافها استغرب مموالفالهاش ومكتجي حتى هو كيطلبها تجي)
وليد؛ هند واش صافا؟؟
هند: (مغبنة) توحشت أمال
وليد: (هز حواجبو) أمال!! عاد لبارح كنتو بجوج
هند: الله ولكن فالدار مكانتش جاتني خنقة فيها ولفتها بزاااف
وليد: حبيبة سنة الحياة هي هادي حتى نتي مزال تزوجي وتشغلي غير بية هه واصلا علاه انا غير جيت وختاريت نسكنك تمااك
هند: واش سافرو؟؟
وليد: معرفت هوما مزال عرسان مكنبغيش نديرونجيهم
هند: بففف الدار كزبل بلا بيها مقديتش نجلس فيها
وليد: اممم وسمو الحل؟.
هند: نبقى معاك
وليد: فبلاصة الخدمة!!! (حركت رأسها باه شافها قنطانة وعينيها مدمعين) واخ طلعي لبيرو لفووق ومتجمعي مع حد انا غير نسالي نطلع تواليييك (تبسمت وطلعت لفوق.. غير كمل مع دراري طلع حداها غير كيبداو لكليان يجيو كيهبط...)
~~~~~~~~~~
فتيحة: يهديك الله اولد.. (خرج زادح لباب من لبارح منين وصلو غوت عليهم فداك الليل عيط لراجل خالتو جا دا خالتو من بعد محيح عليهم مزيان)
ليلى: لا حولة بعدي من ديك لبنت واش مكتشوفيش ذنوبها ككيخرجو فييك
فتيحة: هادو غير خداايمك يا المجرمة
ليلى: وتوݣضي شوية الدنيا راه غير وقت قصير وكوولنا ليها ديري علاش ترحمي افتيحة ونتي مابينك وبين ديك سمية غير الخير والاحسان (ناضت من حداها دخلات عند مريم للي كانت مريضة وفيها ضربة بشنايفها منين ضرباتها مها بظهر يدها وجرحها الخاتم) كبقيتي ابنتي؟
مريم: الحمدلله اختي ليلى سمحيلي خليتلك روينة والله حلفلي منووض
ليلى: ومالكي جاية خدامة فهاد الدار مرضتي غتشدي فراشك حتى تصحي ومتديش على مك ولا خالتك راه غير جوج هبيلات وتلݣااو
مريم: (حيحو عليها فاش محمد هبط ينفخ روايض قبل ميشدو طريق) اودييييي....
ليلى: غلطتي ابنتي نهار خيرك تبقاي برا ولا تجيو تسكنو هنا
مريم: (بقات حانية راسها حيت عودات ليلى هادشي) فكرت فكولشي
ليلى: ماشي ديما خاصك تكوني مزيانة وديري فيها الملاك باش كولشي يبغييك كما هوما على طبيعتهم وكيشوفو للي يسلكمهم حتى نتي هكااك
مريم: (بتنهيدة) الله يصااوب وصافي....
🙈الجزء 629🙈
أنت تقرأ
⚜أحببت رجلا ⚜
عاطفيةقصة كتجمع بين حب_غدر_خيانة_كوميديا_دراما_قوالب_غباء... مخلطة و الأبطال من الجهة الشرقية فين معرووفة اللكنة الحرشة ولكن غنحاول نخففها باش كولشي يفهمها .... القصة كدوور بين بنات كانو مغبونيين ونهار لقاو الحرية تلقااو مع الوااقع.... تحت عنوان...
