🙈الجزء 656🙈
شيماء: (وصلت وهي عياااانة كانت صفرا فوجهها وشنايفها بوويض طلعت دروج تلقااات بمحمد هابط شافت فيه وجاوها دمووع وهو شاف فيها) اليوم اكتر نهار ندمت فيه حيت خليييتك (هبطو دموعها) عفاااك متخلاش علية امحمد (هبط مستغرب مستغرب من حالتها مشا الحاانوت وهي كتمسح دموعها بتريكوها طلعت لدارهم وهي فحالة خاايبة كتحااول ترجع لطبيعتها مع دخلات مشات ريحة الحلوى)
سناء: ختي شيماا خلعتينا عليييك
نعيمة: (خرجت من لكوزينة) فيين ابنتي داك لمشقوف شحال صونينا ليك
شيماء: لبارح وصلت للمحطة طاحلي بقيت نݣلب ومشا لكار علية تفقصت ورجعت الدار غير فقت ركبت وجيت
نعيمة: دخلي بعدا بدلي حوايجك ابنتي.. واجي عاوني مرت خوك
شيماء: عيااانة اماما
نعيمة: تغداي ونعسي راه حتى هي مݣادااش وراها تصاوب فحلوة العيد
سناء: غير خليها اخالتي
شيماء: بففف وااخ انا دابا نجي (مشات دخلات لبيت مكرهة معصبة بغاات غير تكا بدلت حوايجها حيدت سليبها شافت فاولويز بقع قلال ديال الدم صغاار زادت تحسر على حالتها هي عارفة مزيان أشرف كرهها وزاد كتر جمعت شعرها وخرجت عندهم مشات غسلات يديها وجلست كتكور عيات سناء تهضرها كتجاوبها غير ب *اممم* حتى سكتت نعيمة كتسخر بين طياب لغدا والفران للي مقابلة.. )
~~~~~~~~~~~~~~~~
داز نهار على لبنات فالظحك مع الحاجة تغداو لبنات مشاو لدار أمال فين كملات لخياطة فواحد لبيت خاوي فيه غير توابها ومكينتها
هند: طلعتي مسااهلاش برافو عليك كوني صاااحبة موقف ههه
أمال: ههه هو للي ظلمني
هند: اممم عادي غير بغا يقتل المش نهار اللول
أمال: عمرنا نعاودو نهضرو فشي حاجة هنا اهند هانتي غي شوفي فين كنا نهضرو وهو شدها ودارها فراسو كيف بغا
هند: وي نزيرو (سمعو الصونيط) شكون تكون الحاجة
أمال: لا هي نعست
هند: انا نطل (طلات بانت ليها سميرة) شكووون
سميرة: (هزت راسها مكرهة كان الشعور متبادل وحدة محاملة التانية) كاينة مرت عمي
هند: اممم صباري نحل (مشات عند امال) سميرة واش نحل ليها
أمال: شنو بغات
هند: معرفت اجي هبطي (سدو لباب هبطو بجوج حلات ليها أمال لباب تسالمو)
أمال: دخلي اختي
سميرة: صاحبتك ساكنة معاك؟؟؟
أمال: واه
سميرة: واش بالصح
هند:. ونتي شنو مشا للي تتسولي..
سميرة: غير سولتك ههه عادي مالكم معجبكمش الحال
هند: عادي حتى انا غير سولت باش نعرف فضوولك شنو باغي exacte
سميرة: عادي غير بغيت نعرف كما شفتو هنا مكاينش معامن نجمع وقلت نجي عندكم
هند: اممم مزيان
سميرة: اوا أمال كفاش تلاقيتي عمي زهير
أمال: شافني وجا لدارنا
سميرة: وااايلي كتبانو كتبغاو
أمال: وراه راجلي عادي نبغيه ويبغيني
سميرة: غير ݣري كنتو مصاحبين
أمال: ههه واش نتي تعرفي عمك ديال لمصااحبة يهديك الله ههه عمك شافني وقصد دارنا نيشان خطبني وتجوجونا
سميرة: اممم اوا الله يتااويكم عقبال لينا
هند: ياك نتي مزوجة!!؟؟
🙈الجزء 657🙈
سميرة: مكتابش وغنفرقووه ان شاء الله
هند: (تشاوفو بجوج وغير بعينيهم تقراو زعما حنا مالنا)
سميرة: معااالينا بجنسيتي تماك الحمد الله (أمال عاد كانت شافتو عندهم وكانو ناشطين واخا هكاك مهتمااتش) شنو بالكم نخرجو
أمال: مرة أخرى حتى نيت نشاور زهير
هند: (محملتهااش وغير كتشووف فيها)
سميرة: هاء علاه عمي غيمنعك تخرجي مع بنت خووه
أمال: معرفت صراحة واش يبغي ولا لا واصلا اليوم مصالحش حيت غنخرحو
سميرة: اممم اوا نخرج معاكم
هند: اويل الشيطان جوج عرسان جداد بغاو يساافرو ونتي لاش هههه
سميرة: ههه نحضيهم حقا علاش ممشيتوش شهر العسل
أمال: مكتابش
سميرة: حيت داك صاحبو زوين سافر
هند: ايييه كفاش صاحبو زوين
سميرة: هههه ياكما صاحبك
هند: عيقتي بهاد صاحبك صااحبك اختي من اللخر شنو باغيا
سميرة: مالكي تسيفتي انا فدار عمي
هند: فدار عمك اه ولاش تتسولي على صاحبو وحتى ونفتارضو باغا طلقي راه مزال عندك العدة ديال 4 شهور ولا مفخباركش
سميرة؛ انا سولت عادي نتي للي لاش حمات فيك البيضة
هند: راجلي متسوليش عليه (شافت فامال)
أمال: واه راجلها
سميرة: ومالي غنخطبو انا غير هضرت مهم الا كنتو بغيتو تخرجو دوزو عندي
أمال: واخ (ناضت سميرة) سمحيلي محطيت والو حيت مزال متقضيينا
سميرة: معليش اصلا ديما غنبقا نجي (ضربو الطم خرجاات وهوما نشووفو)
أمال: كتسول بزااف
هند: يخ على زبلة محملتهاش
أمال: ياله نكملو داكشي (طلعو مكملين نهار هم حتى جات عندهم الحاجة لابسة حوايجها هند مشات تبدل حوايجها) مّا طلعي
الحاجة: غير خليني ابنيتي هنا
أمال: طلعي متبقايش وحدك هنا
الحاجة: معليش ابنتي غير سيري ركابية راه واجعيني وما فية للي يطلع شي درووج (طلعت أمال لبست كسيوة بشويبي مع شال فلبلو مارين وصباطو وصاكو هزت تليفونها وخرجت كانت هند حتى هي لبست كسوة فلكحل خرجو وخلاو سميرة غتفرݣع.. نيشان عند زهير للي كان محال عامر فداك الوقت دخلات غير أمال وهي تقشعو كيهضر مع شي وحدة وكيظحك طرطقت عينها تمشاات حداه كتقيس فلفراش وعينها عليه كيشد دكسة دلفلووس وكيحسبهم شافت لبنت للي حداه كتشوف فيه هز عينو فيها)
زهير: الله يسخر السلعة ديالك الجمعة توصلك
...: ميمكنش اليوم
زهير: وااه يمكن جيبي ترونسبوور وخوديها (شاف امال وقفت بيناتهم طل عليها) امول!!
🙈الجزء 658🙈
أنت تقرأ
⚜أحببت رجلا ⚜
Romanceقصة كتجمع بين حب_غدر_خيانة_كوميديا_دراما_قوالب_غباء... مخلطة و الأبطال من الجهة الشرقية فين معرووفة اللكنة الحرشة ولكن غنحاول نخففها باش كولشي يفهمها .... القصة كدوور بين بنات كانو مغبونيين ونهار لقاو الحرية تلقااو مع الوااقع.... تحت عنوان...
