🙈الجزء 611🙈
فتيحة: (من بعد ممشات أمال) جريني انعيمة للقاعة (جراتها نعيمة وهند وليلى بقاو كيجمعو حوايج هند ولاغوب ديال النݣافة ديال تاوريرت باش يردوهالها.. رجعو للقاعة كانو كيقادوهم باش يحطو لعشا جلست حدا مريم للي هاد ايام فاقصاها حيت عاونات فالعرس) اوا نتي راجلك مشرالك واالو
مريم: هم نعام اخالتي
فتيحة: شرالها قوة ذهوبة وحتى من الراجل مغرقها اوا نتي امسكينة للي كنتي بحال لخديديمة سمو شرالك
مريم: حم (بقات كدور عينها اصلا الهضرة كانت غير بيناتهم) اوا هو عرس أمال وهي لعروس انا لاش يشريلي راه مسكين شرالي فالعرس
فتيحة: اودي يا ودي (تحط الطبق اللول للي كان طبسيل كبير فيه 6 دجاجات مع دغميرة عاقدة.. بداو كياكلو وفتيحة كتاكل وضور عينيها فالحاضر.. اما عند رجال حتى هوما تحط ليهم لعشااا...)
اما عند العرسان زهير كان بغا يخرج أمال فهاد الوقت للي كولشي لداخل كانت القاعة منصوبة فوسط ديور ولكن مخليين مساحة قدام دار زهير حل لباب ورجع شادها من يدها وجار باليزتها
زهير: هه مالكي (سد لباب كان ظلام)
أمال: (مزااالة مصدومة من كلام مها معرفت تبكي ولا تصارحو ولا شنو دير فهاد الحاالة شغل الضو وهي تشوف الدار للي كانت واااااااو دورت وجهها كتشوف وهو حيد لفوال من على وجهها)
زهير: هاك باش تشوفي مزيان (تبسمت حتى هاد الفرحة مخلاتهاش مها تهنى بيها.. تبسمت ابتسامة عريضة عكس عينيها عارفاه داار مجهووود تمشاات بشوية وهو كيشعل ضواو كاملين الصالون خطير اخر ما خرج من طلامط وباين مقيوم غالي وتريات للي فنحاس مشغولين كاملين زرابي كولشي صطااها كانت كتشوف هادشي غير فلفايس ودابا رجع فراش دارها.. دارها بوحدها هو غير كيشوف ردة فعل ديالها واخا حاس بيها متوترة بزااف حيد لفيست ديالو بقا بالجيلي ديال لكوستيم مشا لظهرها عنقها حاني لعندها ويدو مدورها على كرشها) مال ݣليع ݣلبي خااسر؟!!!
أمال: (تبسمت بلا خاطر ونطقت بصوت خاااافت) واالو
زهير: (باسها بشوية فعنقها للي هزت كتفها منوغشة) عجباتك الدار؟؟
أمال: فنننننة الله يعطيك الصحة
زهير: (رجع باسها) نتي للي فنة اتووتة ديالي (دورها عندو وهزلها راسها وحنا باش شنايفها ولكن هاد المرة حاول معاها تحلو حس بيها مكنززة رجع راسو شاف فيها) مبغيش نصدمك أمول ولكن اليوم غندخل عليك
أمال: (شافت فيه كترمش عينيها عاود حناتهم لوا يدو من مور ظهرها)
زهير: اجي نوريك الدار على مترخفي راسك (شعل ضو الكوزينة بانتلها كبيرة بوطاجي ضاير ولكن خاوية حطها فيها بوطة وتلاجة كبيرة عاود عنقها من اللور) مدرت والو فيها حتى نخرجو وعمريها بمعان للي بغيتي (تبسمت محركة راسها باه طلق منها كيوريها لبلاكارات لفوق ولتحت دار يدو فجنابو) نسيت راسي حسابلي غنعاود لبيع فيها هه
أمال: هههه
زهير: وهكاك طلقي راسك راه غلعبو على الخفيف باش نبصمك تولي ديالي وصافي
أمال: (جمعت الظحكة كولشي لاعب عليها ولكن الخلعة كفاش غتقولها.. جا عندها جرها كيوريها كولشي كيشوف مزال خاايفة هزها بين يديييه) اخااي هبطني ازهيير
زهير: ياامك من نهار سنيتي على الكاغييط وفوكما شتك نعلݣك (سكتت) ديري يدك من مور عنݣي (حركت رأسها بلا.. صغر عينيه) دييييري
أمال: عفاااااك ازهير
زهير: (تم طالع بيها) وااخا لالة (قلبها كيضرب أما هو ريحتها محمقااه نيشان دخلها لببيتهم ورد لباب برجلو كتشوف لبيت للي كان مشعول فيه ضو خفيف شميعات كبار فالجنب ورويحة غير تشمها تخليك مرتاح حطها فوق النموسية وحنا على ركابيه) خايفة مني أمول؟؟؟؟
🙈الجزء 612🙈
أنت تقرأ
⚜أحببت رجلا ⚜
Romanceقصة كتجمع بين حب_غدر_خيانة_كوميديا_دراما_قوالب_غباء... مخلطة و الأبطال من الجهة الشرقية فين معرووفة اللكنة الحرشة ولكن غنحاول نخففها باش كولشي يفهمها .... القصة كدوور بين بنات كانو مغبونيين ونهار لقاو الحرية تلقااو مع الوااقع.... تحت عنوان...
