🙈الجزء 800🙈
أشرف: (دخل لحانووتو بادب طلب من هادوك للي عاونوه يخليوه حيت هداك كان سوء تفاهم عائلي.. بقا بوووحدو مغوووبش كااااره الوضع مكانش بغا الامور توصل لهنا وكيفاش الحمل يعني بالصح مكانتش كتكذب كيف موااالفة يعني بالصح طيحاااتو وقتلاتو زاد كرهها كتر وكتر وكره راااااسو علاش مدخلش سوق راسو وبعدها من دماااغو.. بقا فيه الحال كفاش غيشوفو دابا زهير ووليد هوبراسو متقبلش شنو دار اعسااااك هادو للي غزازين عندو.. بقا غير صاقر صونات صااحبتو للي هاد الايام كيهضر معاها وباغيها للمعقووول) الوو نجوى..
سمعي ابنت الناس انا كانت نيتي زينة وربي شاااهد ولكن خاصك تعرفي راه انا كنت ولد لحراااام لعبت ببنات...
سمعني كانت وحدة حاملة مني مݣااادش نزيد ذنوووب ونجرجرك معايا وانا مزال غارق فلبروبليم ديالي...
سمحيلي اختي ولكن هادي اخر مرة نهضرو الله يسهل عليك نتي بنت الناس وربي بجيييبلك خيير مني اما انا هاد الساعة راني غير شمااااتة..
الله يعاااون....
(قطع وحط التيليفوون بقا غير كيزفر ويصووووط..... معارفش شنو يدير)
~~~~~~~~~
نعيمة: (غير كتشوووف شافت فهند) هند انا عزيزة عندك
هند: بزااااف اخالتي
نعيمة: ونتي ابنتي امال من ديما درتك بحال بنتي
أمال: واه امرت اعمي
نعيمة: ݣولولي سمو للي بدل شيماااااا هااك؟!!!
هند: الطيش ديالها نجيك من الاخر مبغااش تسرط ليها شنو دار فيها أنوار حيت فيه الخطبة وكانت تتبعيه بزااااف صافي جا هاد زواج ونتوما بغيتوها تزوج وهي ردات الصرف بحال هاكا... انا متنقووولش عندها الصح ولكن هادشي للي غيكووون
نعيمة: بزااف ياما بنات كيوݣفو جواج فنعااارو وعمرهم دارو دشي لبنت مبقات تحشم من حد مبقات عندها لكبدة لا لية لا لخوها
شيماء: ياك صافي تزوجات ضبر راسها
نعيمة: ابنتي انا صبرتلها خوها صبرلها ولكن داك ولد الناس يعيى يصبر ويلووحها بهاد لقسووحية
هند: وشنو اخالتي تبقاي مرضة راسك بيها بغات تمشي مع راجلها تمشي
نعيمة: تمشي ماشي متمشيش ولكن تحتارم غير خوتها وباها
هند: معليش دابا دير عقلها نتي دابا خاصك تكوني مزيان وليد راه محتاجك داابا
نعيمة: (تنهدت وحركت راااسها شافت زهير جاي عندهم)
زهير: الميمة كبقيتي؟!!!!
نعيمة: لباس اولدي سير ترتاح غير شوي واجي بلاتي عفااا ولدي ديرلي خاااااطري راه 3 أيام ونتا هاااك
زهير: واه نمشي واحد شوي أموول رواااحي
أمال: (سلمت عليهم ومشااات تبغاااتو ركبو فالطموبيل) حم ماالك؟؟؟
أنت تقرأ
⚜أحببت رجلا ⚜
Romanceقصة كتجمع بين حب_غدر_خيانة_كوميديا_دراما_قوالب_غباء... مخلطة و الأبطال من الجهة الشرقية فين معرووفة اللكنة الحرشة ولكن غنحاول نخففها باش كولشي يفهمها .... القصة كدوور بين بنات كانو مغبونيين ونهار لقاو الحرية تلقااو مع الوااقع.... تحت عنوان...
