🙈الجزء 787🙈
شيماء: (كتسمع الهضرة بزاااف وراسها داااايخ مقدرتش حتى تحل عينيها..)
الزهرة: شيمااا شيمااااااااااا شيماا
شيماء: اممم (مقدرااتش حتى تحل عينيها ياله كتميل راسها شوية بشوية..) راااسي
الزهرة: اوا لباس مماتتش فيقي ابنتي فيقي
شيماء: (ياله بغات تحل عينيها جاها حريق خفييف لتحت...
بقات كتحل عينها شوية بشوية وراسها داااايخ تفكرت خاصها ترجع للدار ياله بغات تنووض تقياااات بقات كترد حتى جات الزهرة جابت فوطة صغييرة كتمسح ليها فمها وعنقها اصلا مع موكلاش كترد غير لمراار عاونااتها تنوووض وهي توعت) ااااي
الزهرة: ماشي سااهلة راه بالسيف باش طاااح
شيماء: صافي مبقيتش حاملة؟!!
الزهرة: لا
شيماء: (حركت راسها باه مقدرااتش حتى تهز الراس.. واخا هكاك كابرااات مع جلست بانلها دمايا فليزااار شافت فالزهرة)
الزهرة: سيري كولي مزياان راه تخوا منك بزااف ديال الدم
شيماء: (قلبها زدح) ولبكرة؟!!
الزهرة: تخيطات ليك غير هو عنداك يقيسك راجلك فهاد السيمانة حتى تقااد فبلاصتها والخياطة تقاد مع لحمك
شيماء: (حركت راسها باه.. عاونااتها توقف والدوخة قاتلااها بقات كتلبس حوايجها ومرة مرة كتحنا ترد ومكتلقا ما ترد اما الزهرة كتشوف فلحمها للي مضرووب دارت شالها.. كتقلب على بزطاامها وهي بحرا قادرة توقف حتى جابتوولها الزهرة) هانتي خالتي والله منساااك كل مرة نجي نعطيك للي كتب الله وغير يدخل علية رااجلي ويكمل كولشي للي طلبتيها تجيبك
الزهرة: عارفة ابنيتي غير متنسايش مك الزهرة وجيبيلها شي سنسلة بحال للي كنتي دايرة
شيماء: (تحسسات عنقها.. هادي من للي كان جابلها حسن حيداتها بصعووبة ومداتها ليها) هاكي متغلاش عليك
الزهرة: (فرحات عاد زادت خلصاتها حتى بلا مطلب ومكانتش حتى ناوية ولكن منين جات من عندها شداتها وطمرت.. خرجت شيماء دااايخة من اثر البنج ولكورطااج الزهرة شدات ليها تاكسي حمر ولكن هي بغات طاكسي كبير باش يوصلها لدار الحاجة بقات صابرة معاها حتى شداتلها تاكسي كبير ركبت وهي كتلهت.. مشات لدار الحاجة وهي غير كتفكر وجزء منها مرتاااااااح والجزء لاخر لاااا...)
🙈الجزء 787🙈
هند: (رجعت طلعت لسطح للي عليها دارتوو... بقات كتعاود هي وأمال وكيظحكو جاها ميساج من عند وليد"واش جات؟!" ) لا مزال احبيبة...(حطات التيليفون وناضت شربت)
اماااااال واش نقولو على حمل ختو؟!!!
أمال: (زفرت) صعيييبة يا ختي هو غير عرفها هكاك وشو مداار وشنو دازت عليكم اما حااملة يقتلها
أنت تقرأ
⚜أحببت رجلا ⚜
Romanceقصة كتجمع بين حب_غدر_خيانة_كوميديا_دراما_قوالب_غباء... مخلطة و الأبطال من الجهة الشرقية فين معرووفة اللكنة الحرشة ولكن غنحاول نخففها باش كولشي يفهمها .... القصة كدوور بين بنات كانو مغبونيين ونهار لقاو الحرية تلقااو مع الوااقع.... تحت عنوان...
