⚜أحببت رجلا ⚜

part 115💕

🙈الجزء 605🙈

زهير: (كان متكي فنموسيتو ببيل صماطي كحل وسروال كيطمة خفيفة داير يدو من مور راسو ويد شاد بيها تيليفونو كيدوز تصاور ديال امال للي عجباتو وبزاايد كيزومي فيها كفاش فرحانة بحنتها تفرج حتى فيديو ديال لبارح ولغراماات بانت أمال ولفوال هابط عليها.. محس حتى عينيه بقاو كيتسدو حط التيليفون فوق كوافووز وجر لغطا عليه....)
أصبحنا وأصبح الملك لله (أمال نعسااات ومنعساتش الفرحة فيها مخليااها طاايرة زائد الخلعة منين غتخلوة مع زهير...  خرجات من الحمام لقات هند مربعة رجليها فوق النموسية وكيتحسب لفلووس)
أمال: ههه شحال لݣيتي
هند: 2 و24 ألف ريال (21200 درهم) وكان زدنا قصرنا لصباح وكان جمعتي كتر تشري شي حديدة
أمال: ههه شنو ندير بحديدة
هند: طموبيلة ازمر
أمال: راه باقي صداقي مخسرتش منو رياال هه عاد 60 الف ريال (3000درهم) كانت عطاتهالي ماما باش نهرب وكان باقيلي فيه شي كدا وربعين (2000درهم)
هند: اوا خاصكي بيرمي ازين
أمال: معرفت زعما زهير يبغي
هند: الا حتى مابغاش نتي تخليه يبغي
أمال: ههه أحااااي (جلست حداها) خايفة بزاف اهند شنو وكفاش ݣلبي غيسكت بالخلعة
هند: نتي مديري والو هو غيدير كولشي للي نصحك بيه ترخااي متكونيش معصبة حيت غتعدمي غير نتي متنسايش غتكوني بين يدين إنسان كيبغيك وكيخااف علييه اححح شهيتيني فشي دخلة
أمال: هههه وووو واش حوايجي خاص نحايدهم كاملين
هند: اوييلي لا حيدي غير يد من تريكو وغير رجل من السروال باش يعرفك بنت الناس
أمال: (مطرطقة عينها كتسمع على نيتها) والدم؟؟
هند: رعفيه من نيفك
أمال: (ضرباتها بالفوطة للي فيدها ونفخت شنايفها) كظحكي علية راه معندي للي يݣولي وخالتي نعيمة حشمت منها
هند: وبانلك اختي انا مدوزة هاد سطاج؟؟
أمال: اوا شنو ندير
هند: ههه ديري كما غيديرلك هو طلع فوقك قلبيه وطلعي نتي
أمال: ههههههند (دخلات مريم ضارت كتشوف) صباح الخير
مريم: هاي هاي على لحنااني تبارك الله خرجاتلك مزيان
أمال: (شافت يدها وتبسمت)  بالصح؟
مريم: واه.. ياله خرجو تفطروو باش نوجدو للعريس وعائلتو فين يجييو
أمال: واخا لبس ونجيو (خرجت مريم هند جمعات لفلوس مزيان فصامصونيط أمال مع ذهب سورتو داكشي أمال لبست قفطان جديد لوات شال وخرجت عندهم.. فطرو فجو مكهرب حيت فتيحة كاينة تمااك ووجها ماشي ديال شي وحدة فعرس بنتها عاد كانت لابسة بينوار فشويبي محايدة حق الله للي شافها مكيفهمش ومكيسزلش حيت جدااام..) سيري جيبي داك ذهب نشوفو
أمال: (ضورت عينيها وناضت كان صقييير مشات لبيتها وهي خايفة تديه ليها جابتو كامل وفنفسها معليش هادي اخر ليلة عندك هنا خلي بلاصتك كما كانت ربي راه موصينا على الوالدين معليش.. كتصبر راسها خرجت هازااه وحطاتو فوق الطبلة وواقفة حداها)
فتيحة: ومالكي واݣفة علية تم خفتي نديه ليك
أمال: لا غير باش نوريك شكون للي جاب حيت نتي مكنتيش حاضرة
هند: (تبسمت حيت عارفة امال كلاشتها حتى بلا متحس)
فتيحة: علاه مقراوكش للي تكون لابسة حق الله مكتحضرش فالفرح
أمال: لا عمرني عرفتها
فتيحة: (هزت الدمليج كتخسر وجها ظحكت طانزة) كرطون.. (هزت بواطة لكبيرة) اودي خاسر فلوس لعرس وزايدها بذهب جمع فلوس بكري.. (أمال كتشوف فيها ببرود.. كملت داك ذهب وحنات هزاتو أمال دغيا)
أمال: هادشي كامل عجبني وعجبني كفاش الناس فكرت فية وجابتلي كادو وكبرو بية ݣدام كولشي (مشات تبعتها هند...)
🙈الجزء606🙈