⚜أحببت رجلا ⚜

part 120💕

🙈الجزء 634🙈

أمال: (غير جات عندها هند فرحات بزااف بقاو كيتعاودو كولشي وبالتفصيل الممل جات عندهم الحاجة) مّا راه والله كنبغي نجي عندك ونجلس معاك ولكن زهير يحلفلي منخرجش
هند: ويلي بعتي رااجلك
الحاجة: ههه سمعي ابنتي للي ݣلتلو متخليهاش تجي انا عارفة علاه تخليك ابنتي فداارك نتي مزال عروسة جديدة وجرحك مزال جديد (هنا أمال حشمت مطرطقة عينها) خليك فديواانك للي بغاك يخلي حتى تكمل 7 ايام ديااالك
أمال: حم (حركت رأسها باه)
هند: (عنقتها) يخليلي للي تيفهم.. الحاجة مشااا علية وليد
الحاجة: ههه هو روح لخدمتو غيبقى غير حدااك
هند: وراه تنتوحشووو
أمال: حمقة هادي والله حتى حمقة
هند: متتحسووش بية مكاينش للي تيفهمني قد حبقلي
الحاجة: ههه درك يجي وتبنيو توالينا وݣاع متفارقو الله يكمل عليكم بالخير احبيبتي
هند: امييييييين يخ ندمت علاه ممشيناش عقدنا
أمال: ههه والله حتى حمقة
الحاجة: لبغووو زيين ابنتي والراطل يبغي مرتو تخنتو وتݣولول غير لكلام الزين
أمال: (تقرصت) واش شكا ليك زهير
الحاجة: بلعمى ابنتي ولكن راني عارفاك تحشمي بزااف
هند: زهير مغيبغيش الحشمة اموولة
أمال: (طرطقت عينها فهند باش تسكت حيت كتحشم قدام الحاجة) واه واه
الحاجة: ولدي راه يبغييك ابنتي الله يتااويكم للخير ويااتيكم بالذرية الصالحة
أمال: امين امّا (بقاو كيهضرو حتى صونا زهير على أمال باش يجيو مع زهير يخرجو شوية ومنها يعطيها شي فلوس باش تبدا تبدا شنو باقيلها فلماعن حيت جاوها كادويات زوينين....)
~~~~~~~~~~~~
أشرف: (كيشوف فشيماء للي واقفة) زيدي
شيماء: (دخلات بشوية مفاهماااهش محست غير حيدات شالها بكترة متلفت ونسات انها دايرة لفولار)
أشرف: ههه لا تعراااي كاملة
شيماء: هاء (دارت شالها دغيا) نسييت
أشرف: (كان قريب ليها هز داك التيو ديال الشيشة وعطاه ليها لراس وهي فم التيو كان حديد تقسحت فراسها حتى غوتت) نسييتي يا ***** مولفااها
شيماء: حمااااار راك قصحتيني
أشرف: (بحال عطاتو الضو احمر بقا عليها بتصرفيق حتى نعسها فالارض كيضربها وهي كتغوت محدها كتسبو محدو كيزيد يضربها حتى بقات كتزااوݣ وترغب مهنا حتى فرشها فالارض بالضرب..) ياله نوضي تحركي ت**** من هنا
شيماء: (مقداتش تحرك غير كتبكي)
أشرف: وتحركييييي البشاااار (كتنوض بشوية جمعت شعرها للي مشنتف وكتحس براسها تجرح بديك الضربة اما هو رجع كيشيش فارق رجليه كيشوف فيها بحرا كتعلق فالسداري باش تهز وهي كتبكي عمرها كلات هاد لعصى حتى من خوتها ناضت جلسات) تݣعدي من تم (ناضت بشوية هزت صاكها وتمات خارجة وصلات حدا لباب) مݣلتش ليك خرجي غتهزي تجمعي الدار مزياااان (شافت فيه) ياله نبغيي الدار كتبري بغيت صاحبتي منين تجي تشم ريحة نقاااا (شافت فيه بانت انه جدي فكلاموو كانت خاايفة منو مشات للكوزينة لقات صطووك دلمعان بقات كتبكي وتغسل وتنقي الدنيا وهو طاالق الراااي وكيشيش على خاااطرو....)
🙈الجزء 635🙈

زهير: (كان خدام مديرووونجي كان محتاج شي تساافيرة مع مرتو اما هي كانت كتشري ميعنات مع اذواق الحاجة للي فرحات وبدات كتخير ولبنات يا كيكيشكرو وبحطو فسليلة يا كيعيبو شي حاجة بطريقة محترمة وهي كتنتاابه بقاو هكاك حتى مشاو لباتيسري كل وحدة شنو طلبت بقاو مجمعين والحاجة كتعاود ليهم على طفولة زهير وفاش تقتل راجلها قدام عينيها وقدام زهير للي 3 سنين وهو زيزووون مكيهضرش ومصدووم... ناضت أمال مشات دخلات لعند السرباي)
أمال: خويا عفااك عطيني كلينيكس
...: نعطي اختي للي بغات صبري معايا
أمال: غير كلينيكس  اخويا
...: (جابو ليها مدو وهي بقات تشدو لقاتو مزال شاد) النمرة؟؟؟
أمال: اشمن نمرة؟؟
...: نمرتك ازيين
أمال: لا عفاك انا راني مجوجة (بغات تجر داك كلينيكس وهو يحبد عندو) وعطيييني
زهير: (من بعد مجا اول وحدة مبانتلوش هي أمال سمعها كتهضر بالجهد طل لقا السرباي شاد باكية دكلينيكس وحتى هي شدااه) اش تم (ضارت تفافاااات زادت نوااتو هو غير كيشوف مشات حداه)
أمال: والو والو (السرباي داز من حدااهم حتى جبدو زهير من العنݣرة ديالو) زهير والله موقع والو
زهير: (كيهلل) واصلا ميوقع واالو باه راكي تݣولي موقع والو
السرباي: وطلق ابنادم وسير تفااهم مع مرتك لدارك 
أمال: (خرجت عينها حيت كيهضر عليها بحال هي كانت واقفة معاه بخاطرها) راه هو للي شدني بزز مابغاش يعطيني لموشوار (ناضو شي ناس كيفاااكو وزهير كيتحلف ويسب هداك السرباي للي ضرب الطم خايف يتطرد جرووه كيهضرو معاه شي رجال بشوية وكيفهموه ان هو للي باسل مشا مخنزر)
زهير: تݣعدووو من هن.. ختي هند وصليهم للدار
الحاجة: اولدي
زهير: مّا.... صافي سيرو قضيتو غرااضكم روحوو
أمال: (خافتو يتقلق) زهير
زهير: (حمر عينو فيها) بلعي.. روحي لدارك بالليل وانا جاي نتفااهم معاك
أمال: (جاتها لبكية) مدرت واال.. (مشا من حداها معصب هي جمعت لبكية والحاجة كطبطب عليها ركبو فالطموبيل هند وزادو...)
~~~~~~~~~~~
شيماء: (تهدات حيت خلاها تجفف حتى الدار وقفات حداه ووجها حمر بتصرفيق وتمارة) كملو واش نمشي
أشرف: منين تكلمي هودي عينك الارض
شيماء: (حنات عينها) نمشي
أشرف: ق***ي.. اه (لاح ليها 20 درهم) ها خلاصك  بعدا انا نخلصك (خرجت من تماك كتبكي شدت تاكسي نيشان للدار عرات لحمها كولو زرق بقات تبكي وتدااوي شي جرحات كانو عندها بدوا لحمر صونات على أنوار فلمسنجر جاوب)
شيماء: كنتي تصورني الكلب علاه خليتي من موراتا تصور وفيديوات ديالي والله حتى نشوهك مع عاىلتك كاملة
أنوار: اش كتخربقي وتزروطي
شيماء: (كتهضر وتبكي) والله حتى نشوهك معاهم اليوم كاملين وحتى من باك الخوااف للي ظل تخااف منو والله حتى نشوهك (قطعت وطفات تيليفونها للي رجع كيخلعها وخصوصا أشرف للي كيتجسس عليها...)
🙈الجزء 636🙈