بچکۆلی وێنەکێش

1- 저 (من)

ژیان پڕە لە بەربەرەکانێ، ئەگەر شتێک نەبێت دەستی پێوە بگریت ئەوە لەناوت ئەبات، ژیانی راستی وەک یاریە وەرزشیەکان نیە کێ خاڵی زۆرتر بوو ئەیباتەوە، بەڵکو کێ جوان یاری بکات و ڕەفتاری باش و فەرمانەکانی خوا جێ بەجێ بکات براوەیە، هەمیشە وتومەوە و ئێستاش دووبارەی ئەکەمەوە ( ژیان مرۆڤە لاوازەکان قبوڵ ناکات )، ئەگەر فێر نەبیت بەتەنها بجەنگی و پشت بەکەس نەبەستیت، ئەوا کاتێک خۆت ئەبینیتەوە تۆ جگە لە گەمژەیەک و نەبینراوێک هیچی تر نیت لەم جیهانە......

دانیشتووم بەتەنها لە قوڵای بیرکردنەوەکانمدا کۆمەڵێک یادەوەری بە مێشکمدا هاتن، ئازارەکانم، رووداوەکانی ژیانم، بڕیارەکانم، شکست و سەرکەوتنەکانم، دواتر بیرم کردەوە هاوبەشی بکەم و باسی بکەم بۆ کۆمەڵێک خوێنەری ئازیز، گرنگ نیە جەند بینەری کەم ئەبێت دڵنیام وشەیەک رستەیەک یاخود رووداوێک ئەکرێت سودی هەبێت ...

سەرەتا باسێکی بچوکی خۆم ئەکەم.
ناو : لاڤیندەر ( ناوی جۆرێکە لە گوڵ )، ناوەکەی خۆمم خۆش ئەوێت، وام لێ ئەکا هەست بە جیاوازی بکەم جونکە ئەو ناوە کەمە و واتایەکی روحی جوانی هەیە.

واتای ناوی لاڤیندەر: جۆرە گوڵێکە لە بنەماڵەی لۆسیفەر، بۆنێکی زۆر خۆشی هەیە و لەچەندین وڵاتی جیاواز دەچێندرێ، لەوان: ئەفریقا و هندستان، سیفەتەکانیشی ، ڕاقی، بێ دەنگی، هێمنی، بەبەخت، بەوەفا ...هتد
لەگەڵیشیدا هەست ئەکەم ناوەکەم سیفەتەکانی لەمندا ڕەنگی داوەتەوە، لەتەمەنێکدا هەستم بەوە کرد، بۆیە پێغمبەر (ص) ئەفەرمێت: ناوی خۆش و واتادار لە منداڵەکانت بنێن...
ناو ڕەنگدانەوەی کەسایەتی خاوەنەکەیەتی.....

لەدایک بووی ٢٠/١٠/١٩٩٩ لە گەڕەکی ڕاپەڕین لە سلێمانی لەدایک بووم، لە ژوورێکی تەنها و بچوک لەدایک بوم، کاری من  دیزاینەر و شێوەکاریە، خۆم بەشی کارگێڕی کارم تەواو کردە، بەڵام لەبوارەکەی خۆم لاوازم و کار ناکەم، دواتر بەهرەی راستەقینەی خۆمم دۆزیەوە ئەوەش وێنەکێشانە.

ئاشقی کارەکەی خۆمم، هەست ئەکەم ئەوە جیهانی منە و زۆر گونجاوە بۆم، من پێم وایە هەموو مرۆڤێک خودا جیهانێکی تایبەت و جیاواز و گونجاوی بۆ داناوە تەنها پێویستە لەسەری بیدۆزێتەوە.

خێزان، هاوڕێ، چواردەورت، هەمووان ئەو لایەنەت بۆ هەڵدەبژێرن کە خۆیان حەزیان لێیەتی، یاخود خەونێکە کەخۆیان بەدیان نەهێناوە دەیانەوێت لەڕێگەی تۆوە خەونەکەیان بەدی بهێنن، بەداخەوە زۆرکەس بوونە قوربانی ئەو جۆرە ڕەفتارە خۆپەرستیە و بەهرەکانی خۆیان وون کرد.

خواردن بەشێکی گرنگی لایەنی دەروونی و گەشەکردنی مرۆڤە، من وەک خۆم کاتێک کە خواردنە دڵخوازەکانی خۆم دەخۆم هەست بە ئاسودەیی و دڵخۆشی ئەکەم، خواردنە دڵخوازەکەی من گۆشت و پیتزایە بەڕادەیەک حەزم لێ یەتی هەست ئەکەم لە خۆشەویستیدام لەگەڵی.

"ڕەنگ، کارادانەوەیەکی گەورەیی هەیە لەسەر هەست و بیرکردنەوەکانت، بۆیە زۆرجار کاتێک ڕەنگی ڕەش ئەپۆشین لێمان دەپرسن خەفەتباریت؟ واتا ڕەنگەکان هەندێجار ڕووداوەکان و ناخی تۆ نیشان ئەدەن، من خۆم حەزم لە ڕەنگی ڕەش و سپی، پێم وایە ئەو دوو ڕەنگە بۆ هەموو شتێک و کەسێک ئەگونجێت، وە زۆر تایبەتن، تلڤزیۆنە کۆنەکان و منداڵیم بیردەخاتەوە.

"زمان، وەک دوو چاوی تر وایە بۆ مرۆڤ، هەتاوەکو زمانێکی زیاتر بزانی ئاستی ڕۆشنبیریت و بیرکردنەوەکانت فراوانتر ئەبن.
من خۆم فێری جەند زمانێکی جیاواز کردوە، لەوانە: زمانی عەرەبی و کۆری بەباشی ئەزانم کەمێک ئنگلیزی و هندی ئەزانم.
زۆرم حەز لە فێربونی زمانە، هەست ئەکەم کەسێکی جیاواز و پڕ زانست نوێ دەناسم، ئەوەش زۆر بەپەرۆشم ئەکات ...

تارادەیەک من کەسێکی کلاسیکم، زۆریش نا، بەس زۆرم حەز لە کلتور و زمان و ئاینی جیاوازە، هەر بۆیە گەشتکردنم بۆ هندستان و ئەفریقا و چین پێ خۆشترە لە ئەوروپا، ئەزانم کەمێ جیاواز دەرەکەوێ بەس وەک وتم جیهانی هەموومان جیاوازە و پێویستە جیاوازیەکان و نەبینراوەکان قبوڵ بکەین .....

ئەو ساتانەی بەپەرۆشم بۆ شتێک و دڵم خۆشە نازانم چۆن هەموو هەستەکانم دەرببڕم، بۆیە بە جەستە و روخسار و دەست و پەنچەکانم  قسە ئەکەم و هەوڵئەدەم کەسی بەرامبەر تێبگەینم کە دەمەوێ جی بڵێم، هەندێجار لەوە سەرکەوتوونابم ئەوە دڵتەنگم ئەکا .....

کەشی کۆریا ساردە، پێویستە ئامادەکاری بکەم بۆ زستان، لەگەڵ ئەوەشدا مانگی داهاتوو پێشانگام هەیە، زۆر نیگەرانم، چونکە ئەمەوێ تابلۆیەکی جیاواز دروست بکەم و بگاتە دڵی هەمووان، جونکە هەرجارێک خۆم وێنە ئەکێشم بەخۆشەویستی و لەناخی دڵمەوە کارەکەم ئەکەم، ئەوە وام لێ ئەکات هەست بە زیندویەتی بکەم، سوپاس بۆ خوا هاوسەرە ئەزیزەکەم یارمەتی دەرە.

ببورن ئەگەر هەندێ وشەی کەلاریم بەکارهێنا چونکە من پێشتر لەگەڵ هاوڕێیەکی کەلاریم ئەژیام لە کۆریا، ناوی نیگار بوو، ئەو دوو ساڵ لەمن منداڵتر بوو، کچێکی میهرەبان و جوانە .....

پارتی داهاتوو باسی منداڵی و هەرزەکاری ئەکەم🌹....
رووداوەکان و هەستەکان هەوڵئەدەم بەشێکی لە چیرۆکی ژیانی راستەقینەی کەسانی ترەوە وەربگرم ..

زۆر سوپاس بۆ بینەربونتان 😍🥰