إن الانسان لَيعرف ماذا ينتظره حين يحبّ
يعلم جيدا مواجع النهايات
ويدرك أن جمال البدايات غير دائم
ولكن المرء يُخاطر بكل شيء من أجل ذلك الشعور الجميل الذي يسَمَّى
<< الحُبّ >>
🥀
______________________
الرصاصة اللي ضربت فلرض بحداهم خرجت من مسدس فيه كاتم الصوت..
شدّو فبعض وتلفتو من ومن وبثواني خاطفة هربوا جيهة السيارات اللي كانوا حابسين صف..
انحناو وهوما يجروا ووابل الرصاص يتبع فيهم، كامل السيارات تهرس الزجاج تاعهم..
وصلوا لعند سيارة شمس.
فتحت لامار وطلعت اللوحة هاذيك، كاين صندوق.. فتحاتو فيه أسلحة ورصاص وكذا.
تلفت عاصم وطلع حاجب مستغرب وقالها..
- تتجولي بسيارة هكا!!
عطاتلو رصاص باش يعمروا فالمسدس وقاتلو..
- مكانش اللي يشكّ فيّا.
خذااو كامل واش يسحقو.. ارتكزوا بظهورهم على هيكل السيارة.
تلفتت فيه وقاتله..
- راح نهبطو للغابة اللي تحت.
- الغابة خطيرة شوي، انزلاق التربة و..
- موش حا ندخلوا للمدينة، الناس مزالها برا، وموش باش يرحموهم.
هي قاتله وهو بقى يشوف فيها، اومبعد هز التلفون من جيبه.. فعّل نظام التتبع.. رسل ميساج لأحمد وناض.
نقزت شمس للتحت بفارق ارتفاع 3 متر..
نقز عاصم من وراها وراحوا يمشوا بالزربة، كان عاصم يمشي قبلها..
طبعا هو يعرف الاتجاهات..
ثواني حتى جبداته هي من قفاه دزاته عند شجرة، لسقتله ظهره فيها.. وقفت قدامه لسقت فيه، جا راح يهدر وهي طرطقت عينيها حتى سمعوا صوت حركة قريبة..
ضيق عينيه وقالها يهمس..
- 10 أشخاص.
- لا 11.
قالت وطلعت عينيها لفوق وصوبت ثم ثم على واحد كان فوق الشجرة..
تخلطت الحالة بين عاصم وشمس مع هاذوك العشر رجال
كانوا ملثمين وزيد الظلمة، وكانوا يضربوا بالسيوف موش بالرصاص..
على شعرة كان راس عاصم يطير لوكان متلقتش عليه شمس..
عاصم كان مستواه مليح إلى حدّ ما، موش موالف بالساموراي.. أما شمس !
كانت ممتازة، خذات زوج سيوف على وحدين طيحتهم للرض..
ت
قابلت هي وزوج..
- ارجع لور.
قالت لعاصم وهو رجع خطوات وراها..
بقات تشوف فهاذوك الزوج ثواني اومبعد بداو يضاربوا، طاح واحد..
وبقات طفلة.
ضيقت شمس عينيها وهي تشوف فعيونها..
رمات سيف واحد وبقات حاكمة فواحد، عملوا كيف المناورة هكا فيما بيناتهم مكانش اللي حبّ يقرّب.. كان عاصم يشوف برك..
تقدمت شمس..
تضاربوا شي خمس دقايق، حتى واحد مربح.. كانوا لزوج بنفس المستوى..
- الكتف.
تمتمت شمس فقلبها وضربتها للكتف جرحتها.. تزعزعت حركتها.. رماتلها سيفها بعيد وضربتها للكفا طاحت تغاشات..
رمات شمس السيف للرض وتلفتت لعاصم، حطت يدها على بطنه..
شافت فيدها لقات فيها الدمّ.
شافتهم كي ضربوه مقبيل، غير هي كملت معاهم تلفتتله ثم ثم..
حط يده على رقبتها كانت مجروحة مام هي..
كانوا مجروحين فعدة مناطق.. سلخوهم.
تلفتوا مع بعض عينيهم مطرطقين كي سمعوا صوت الكلاب..
أنت تقرأ
A P R I C I T Y
ActionApricity : (-n) The warmth of the Sun in Winter. أكثر شيء أحبه في هاته الحياة هو دفء شمس الشتاء. رغم قساوة هذا الفصل وجبروته إلاّ أنه لم يستطع هزيمة الدفء في داخل هاته الشمس، لم يستطع طمس هويتها، وإذ أنها رغم الصقيع لا تزال ترسل دفئها عبر الأشعة الل...
