حين نبكي نحن النساء لا ننزل للشارع ولا نختار حانة رخيصة للشرب، لا نكسر الكؤوس بروؤسنا أو قبضاتنا.. نحن فقط نخفي وجودنا المحترق ونستمر بجلي صحون الغذاء، نسقي أصيص الورد على الشرفة، ونمسح بلور المرأة في الحمام.. إنه الجهد الذي نبذله بعناية أموميه كي يصبح وجعنا مثالياً. حين نبكي لا نغص لا نشهق كي لا تسمعنا جداتنا الحكيمات، لا نسحب المناديل الورقية من جيب الحقيبة الملقاة كيفما شاءت صدفة، بدلاً من ذلك نكتب على صنارة الصوف لنحيك شالاً سميكاً للعائلة السعيدة، أو نصنع قوارب ورقية للأحفاد الصغار..
أما حين يبكى الرجال تصمت النساء وكأن العالم بدأ بالإنهيار!
-مریم الأحمد
_________________________
راحت شمس تسوق بأقصى سرعة يمكن توصللها سيارة عاصم.
- راااااح تقتليناااااا.
عيط نجم الدين وهو حاكم فالباب بحداه مطرطق عينيه للطريق قدامه اللي راهي تبان فلو.
كانت شمس مزيرة عالفولون عينيها عشرة على عشرة عالمرايا اللي من ومن.
دخل للغابة توغلت فيها أكثر والسيارة رجعت معمرة طين.
حبست فبلاصة مناسبة.
فتحت الباب وهبطت، راحت مشات خطوات وقفت بعيد وهي حاكمة راسها بيديها..
بقى نجم الدين ثواني طويلة وهو يحكم فراسو من السرعة اللي خلخلاتو..
- شمس..
جا لعندها بخطوات مترنحة، اومبعد عيط وقالها..
- واش هذااا اللي راكي تقولي فيه.
تلفتت فيه.. بقات تشوف معاه دقايق طوال وهو يشوف فيها حاب يبكي.. تركز عالسيارة وهي قالت بعد ثواني..
- مين نبدا.. من نبدا..
كانت تهدر كأنها تهدر مع نفسها.. قعدت علرض ودموعها بدات طيح..
عيط نجم الدين..
- اهدري علاش هربنا!!
- بلع فمك خليلي شوي وقت..شوييي وقت..
عيطت عليه مام هي وسط دموعها.
ناض وقف تعدل وبدا يشير عليها بصبعه ويعيط، ومام هو نزلو دموعه..
- واش تعني بـ راح نولو مطلوبين!! المنظمة بيتنا، والدينا راهم تم.. شمس..
عيط أكثر فاسمها فلاخر وهي شافت فيه وعيطت..
- يمكن يكون بابا عضو فالسالفاتروشا.
سكت نجم الدين، جمدت ملامح وجهه لوهلة من الزمن.. لسانه تخدر مقدرش يهدر..
بدات شمس تبكي وهي حاكمة راسها بيدها وتهزّ فرجليها..
صمت وجييز عمّ المكان..
تحرك نجم الدين جا لعندها هبط لمستواها، حكمها من ذراعها هزّها وقالها..
- كـ.. كـ كيفاش عرفتي!! قصدي كيفاش راكي تقولي هكا!!
- معرفتش.. مزال متأكدتش.. مي هذا أقرب.. أقرب اختيار بنسبة %99.
قالت آخر جملة وهو كأنو قوته خارت.. قعد فلرض قبالتها عركابيه..
قال بعد ثواني.. وهو ساهي فلرض حال فمو وعقلو علاخر..
- علاش هربنا مزال مفهمتش!
- كلشي مشفّر فالشبكة، وبما أنك عملت التحليل فالمخبر أكيد راح يخرج عندهم وراح يعرفوا بلي رانا نعرفوا، وهذيك العيّنة تاع المخ أنا مجبتهاش من خزانة بابا طبعا.
جاوبت شمس، وهو طلع عينيه فيها وقالها..
- مين جبتيها!
بقات تشوف فيه وقالت..
- شاوش مروان اللي هو نذير ولد خالي.
عقد حواجبه وقالها..
- شمس نذير ماات.
- نذير ما زالوا حيّ وقابلته شخصيا.
جاوبت وهو ناض وقف، حكم راسه بيديه وبقى واقف عاطيها بالظهر وهي كملت تهدر..
- فالأسبوع اللي اختفيت فيه.. هذاك الوقت كان نذير خاطفني.
تلفت فيها وهي بقات تشوف فعينيه وكملت..
- وجيت أنت سألت عاصم على مكاني.
بقى يشوف فعينيها.. وهي كملت تهدر..
- كاين بزاف أسرار بيناتنا نجم.. ولازم نوضحوها.. ولكن أولا لازم تخبرني علاش فضحت هويتك الحقيقية بلعاني قدام عاصم قبل ثلاث سنين.
بقى يشوف فيها نجم وهي تشوف فيه تقارع لأجوبة من ملامحه قبل لسانه..
.
.
.
أنت تقرأ
A P R I C I T Y
AcţiuneApricity : (-n) The warmth of the Sun in Winter. أكثر شيء أحبه في هاته الحياة هو دفء شمس الشتاء. رغم قساوة هذا الفصل وجبروته إلاّ أنه لم يستطع هزيمة الدفء في داخل هاته الشمس، لم يستطع طمس هويتها، وإذ أنها رغم الصقيع لا تزال ترسل دفئها عبر الأشعة الل...
