هل تعلم أن بعض ذكرياتك لم تحدّث من الأساس، وأن العقل البشري يختلق الأمور.. ينسج بعضها.. ويمحي البعض الآخر.. لا يُمكن أن نثق بكل ما نحمله داخل هذا العضو المليء بالأسرار والخفايا العظيمة..
أهذا يبدو غير منطقي! أجل بالطبع ولكن..
ولكن يجب أن تُصدِّق أن العقل البشري أكثر شيء مُعقِّد عرفه الانسان منذ بداية الخَلق.
لذلك على مرّ الزمان لطالما أفنى العُلماء والبروفيسورات سنين طويلة من حياتهم لاكتشاف خبايا هاته الآلة المُذهلة..
وصانع الأدوية؛ الدكتور مروان، كان أحدُ هؤلاء.
______________
ناضت شمس من بلاصتها، راحت للفريجيدار فتحاته، جبدت قرعة ما..
فتحتها وجبدت كاس كبّت فيه الما..
شربت... ورجعت شربت كاس وحدوخر مي كأنو مشربتش كامل. بقات تشوف فالكاس فيدها اومبعد تلفتت من ومن..
عقدت حواجبها وتمتمت فقلبها..
- بيت نانا ؟
بقات تشوف من ومن وشافت فقشها كانت لابسة قشّ المهمات..
- واش جابني لهنا؟
رمات الكاس فلرض والقرعة وراحت تجري قبالة الباب تاع برا..
فتحاتو كان واقف شخص.. دخل وهي رجعت خطوات لور وتمتمت بصوت مسموع شوي..
- مروان!!!
فضلت ترجع لور وهو يقرب لعندها، كان فنفس الهيئة اللي تلاقات بيه فيها.. فالحفلة..
كانت علامات التعجب عاملة احتفال فملامحها..
راح قبالة الكرسي وقعد.. بقات تشوف فالكرسي اومبعد عقدت حواجبها وقالت تحكي فقلبها..
- هذا كرسي نانا وراو فداري مي هذا!! هذا راه جديد؟
طلع راسو فيها وتبسم وقالها..
- أكيد راكي تسقسي واش هذا شمس!
بقات تشوف فيه بنظرات ريبة، وهو تبسم وفتح ذراعتيه يشير على المكان وقالها..
- هذا الشي كلُّو ذكريات.. وهذا يعني I'm in your mind ( أنا في عقلك).
- In my mind!! What the hell..
قالت وتلفتت تشوف من ومن وكملت تهدر..
- آخر مرة كنت فلوبيتال..
- نن نن نن..
قاطعها وهي تلفتت تشوف فيه وهو قالها..
- آخر مرة كنتِ فالجاردان أنتِ والكابتن تتبادلو المشاعر..
- واللي بعدها.. !
قالت وسكتت ثواني طوال تخمم هبطت عينيها للرض ..
وهو قالها..
- كله خيال رسمتلك تكملة كانت أطراف خيوطها دور فراسك أنا برك لاقيت الخيوط باش نقدر نتعمق فذكرياتك ونوصل للجزء المظلم.. الجزء اللي راني محتاجو.
- عاصم!!
قاطعاتو قالت، وهو ضحك، قلب شفافو وجاوب..
- خليناه فبلاصتو، كنت حاب نقتلو فالديبي مي خلاص مبعد رجعت نستعملو ك طعم باش نوصلك أنتِ.
بقات تخمم دقيقة كاملة اومبعد طلعت راسها فيه، طرطقت عينيها وقاتلو..
- محلول الوهم!!
- Exactly Shams..
فرقع صباعو وجا لعندها وقف قبالتها وكمل يهدر..
- محلول الوهم اللي كانت نانا طوَّر فيه فالمخبر تاعها فهاذ البيت قبل ما يتحرق ويولي رماد.
طلعت عينيها فيه عقدت حواجبها وهو جا بحداها، حطّ ذراعو فوق كتفها وهو يهمس فوذنها قال..
- نولو لل 1998.. كنتِ تفوتي الوقت كامل هنا وبحدا نانا فالمخبر وهي قاعدة عالكرسي..
أنت تقرأ
A P R I C I T Y
AksiApricity : (-n) The warmth of the Sun in Winter. أكثر شيء أحبه في هاته الحياة هو دفء شمس الشتاء. رغم قساوة هذا الفصل وجبروته إلاّ أنه لم يستطع هزيمة الدفء في داخل هاته الشمس، لم يستطع طمس هويتها، وإذ أنها رغم الصقيع لا تزال ترسل دفئها عبر الأشعة الل...
