LAIFIN SHI NE

💜💙💜

*LAIFIN SHI NE*

💜💙💜

_Na Maman Afrah Ik_

~Editing by Mugirat Musa.~

🔟

Yayanta Usman yanzu shi ya kammala karatunsa har ya fara aikin office,yanzu haka har yayi aure da matarsa da d'ansa k'waya d'aya, shi kuma Jalaludeen yanzu ne zangon karatunsa na k'arshe a matakin karatunshi.

Wannan shine tarihin gidansu Jalaludeen.

Bayan Iya Luba ta kai Hafsatu d'akin da zata rik'a kwana,ta kuma bata abinci taci sai ta mata sai da safe,don da safe zata fara aikin nata da yake kafin ma ta sauketa d'akin da hajiya Khadija tace a bata,sai da taje da ita kowane sashe na cikin gidan ta nuna mata komai da komai da zata rik'a yi,sannan ta kaita d'akin da akace ta bata ko shi acikin sashen yake,sai dai d'akin ba wani mai girma ba ne
daga katifa sai k'aramar durowarsa kayanta sai kuma band'aki,shiyasa Iya Luba na fita ta shiga bayi tayi sallah ta ci abinci ta kwanta sai barci da yake ta d'auko gajiya,sauk'inta d'aya ba yau zata fara aikinta ba shiyasa tunda ta yi sallah ta kwanta da wuri domin tashi da wuri ya mata sauk'i.
Bayan garin ya waye ta tashi tayi sallah sai ta je cikin gidan,domin ta fara aikinta tana fitowa sai ta ga Iya Luba na shigowa  ana bud'e mata k'ofa k'arama sai ta duk'a har k'asa ta gaidata,haka shi ya k'arawa Iya Luba son Hafsatu sai tace"Hafsatu lafiya lau kin tashi lafiya..".Kan Hafsatu yana sunkuye tace" Alhamdulilahi Iya".Iya Luba ta murmusa cike da k'aunarta azuciyarta tace"Hafsatu naga kin fito da wuri ai aikinki sai k'arfe 8 ne zaki rik'a fitowa lokacin kowa ya fito karin kumalloh, lokacin kinga zaki fara kafin zuwa goma sha d'aya kin k'are".Cikin girmamawa HAFSATU tace"to shikenan Iya bari na bi ki sai na tayaki aiki ko tunda ni ba yanzu zanyi nawa ba..".Cikeda gamsuwa da zancenta Iya Luba tace"to ba damuwa mu tafi kinga zaki k'ara sanin abubuwa, koda bana nan in aka sakaki  zaki ji sauk'in musu ba tareda kin sha wuya ba..".

Haka suka shiga kitchen suka rink'a aiki tana nuna mata yadda ake amfani da gas,da yake bata san ma gas ba dole sai da Iya Luba ta fara koya mata,da yake aiki ba sabon abu ba ne awurinta,komi cikin lokaci k'ank'ani  ta fara haddaceshi saboda tana da k'wak'walwa da saurin fahimta,bayan sun kammala aikin sai Iya Luba tace ta wuce domin lokacin fara aikinta yayi..........

_Comments&Shares._