-ههههه لايكين الله يسعدكم يارب
أبهر:: امين يارب
رمشت واني صافنه عليه خطيبته شنو عززة خليت ايدي ع خدي هم حار كل ميصير موقف بيني وبينه خدي يصير حار عززة أبهر عززة،
بقيت ساكته لحد ماخلص اخير وحدة وكمت عليه هادة
رغد:: شنووو انت شتحجييي ابهر
ابتسم وحجه بهدوء
-يعني ماتردين تصيرين خطيبتي؟
رغد:: اابه ابهر شنو هل كلاممم
-هاي الحقيقه
-تقرب عليه صار كبالي كلش لزم اديه الي يرجفون وحضنهم باديه
أبهر:: احبج رغد...
حسيت ببرودة سارت بكل جسمي بقيت بس صافنه بوجهه دقايق اله استوعبت نترت اديه وابتعدت دايرة وجهي عنه
رغد:: ااابهر اني مامستعدة...
-ماكتلج هسه خلي نزوج اريدج تكملين دراسه علمود ترتاحين واني ماعندي شي
رغد:: واهلي؟
-شبيهم
رغد:: اااابهر لا تلح
-اعرف انتِ هم تحبيني ليش تنكرين
درت وجهي اله ارجف:: ماريدككك فهمت لو لا ماريدكك
ابهر:: فهمت فهمت بس هدي
-تقرب رايد يلزمني من متوني بسرعه ابتعدت كلش انزعجت حسيته يشوفني وحدة رخيصه بسبب لمسته شلت الجنطه وطلعت كدامه اسمع صوته وواي يركض ويحجي
أبهر:: بس اوكفييي ولج شبيج شادة محرك
حضي اعوووج دوم اصبررري
صار كدامي تنفس بقوة
-شبيج ترة ماكلت خلي نعرس باجر
رغد:: وصلني للبيت
-اوك اوك
مشه واني مشيت خطوات وحدة بائسه اني مامستعدة اتزوج شفت الزواج شيسوي ابسط مثال اختي تمووت ع المشاكل، اول ماوصلنه للبيت نزلت اركض اسمعه يحجي وي احمد يكله راح اروح لاهلي
فتحت باب الغرفه شمرت جنطتي وكعدت بلكاع كرفصت ع نفسي مثل الجنين من يريد يبجي ضميت راسي بحضني
ماريدة
لا تتزوجين
مامستعدة
احبه
ماحبه
بس معجبه
اكرهه هم
هاي الكلمات تتراكع براسي مثل الصاروخ الحاير بيا مكان يشمر نفسه.
شمرت كلشي الوقت هو يحله كمت من مكاني اخذت ملابسي سبحت ونمت
ماكعدت غير العصر ع صوت اطفال ونسوان
باوعت بلغرفه عيوني مغوشه
فاقدة الذاكرئ شويه شويه بدت ترجع
اهوو منو جاي بهل وقت
كمت مثل الخبله بشعري المنكوش
فتحت الباب بعصبيه ونزلت مستعدة للعركه
ع الدرج وصفنت
