عيوني جمدت
كلشي سكت بيه ايدي عافت ضهرة
الشعور جان مرعب كلششش مرعب
جنت خايفه منه
وهسه عليه
باوعتله وعيوني تصب همست بشهكه
-شش...نوو هذ.اا
مسح وجهه وتقرب رايد يهديني كبل ابتعدت
ازهر:: ماكو شييي شبيج
رغد:: وهذااا الددددم شنوو
ازهر:: واحد من اسنوني وكع والسبب منه
رغد:: انت مو صغير وهيج يوكعن اسنونك لا تخبلننني
ازهر:: لا تصيحين كتلج سن وكع
رغد:: احلف
ازهر:: مامصدكه؟؟
رغد:: اريد اتأكد
سكت لثواني واشرلي نطلع
ماجنت مصدكه ابدد
بس وافقت ع كلامه كأنو مصدكه
لان مردت تصير مشكله
بنفس اليوم بدينه ننضف اول شي نضفنه بيتنه من فوك لجوة غسل وجلف وبعدها المطبخ رتبنه بيه الاغراض وغيرها والغرف رتبناها وخلينه بيها اثاث
تغدينه ورجعنه نكمل لحد المغرب اله خلصنه
كعدنه ميتين تعب
تعشينه من المطعم ونمنه ثلاثتنه بغرفه اني نمت ساعتين وكعدت لكيتها بـ 12 ونص خاله وسمر نايمات فتحت موبايلي ودزيت مسج لازهر
-موجود؟
ثواني وجار الكتابه
-اي ،شنو مانمتي؟
-لا نمت وكعدت، منو يمك؟
-محد ليش؟
-اريد اجي يمك نسولف
-هههههههه يله تعالي
ابتسمت واخذت موبايلي ولبست حجابي والصايه وطلعت بهدوء صعدت لغرفتنه دكيت الباب ع كيف وفتحته مديت راسي لكيته متمدد ع السرير، سديت الباب وراي ونزعت الحجاب والصايه خليتهم ع جهه
ازهر:: تعاي يمي.
-لا مشكور بس اكعد عدل اريد اسولف
ازهر:: تعاي وعود نسولف
باوعتله بتك عين طكها ضحك واشرلي اجي يمه
تقربت فتح الغطا سوا مجال، صعدت وتمددت بصفه راسي ع تاج الجربايه، كلبي حسيته رايد يطلع من مكانه حرارة بكل جسمي
ازهر:: ايي كولي شتردين
رغد:: مددري نسيت
ازهر:: هيج جمالي يدوخج
رغد:: لا ياجمال املح
ضحك قوي ومد ايدة ع عنقي جسمي كله تشنج، قرب راسه وباس شاماتي ثلاث مرات بكل بوسه يهمس احبج رفع عيونه بعيوني مبتسم همس بهدوء
ازهر:: منا لحد يوم الدفن راح ابقئ احبج.
-عكدت حواجبي وخليت ايدي ع صدرة
رغد:: ملاحظ نفسك صاير كلشش اهواي تسولف بلموت
ازهر:: مو حرام
