لاول مرة اعيش بسعادة
شايفين من احد يسئلكم شلونكم؟
وتكلوله (بخير) بفرحهه فضيعه ومن صدك انتو بخير كلش وسعيدين اني هيج جاي اعيش
ايام اول مرة احس بيها واعيشها بكل معنئ
مجنه نفكر غير بمستقبلنه
وشلون نأسس بيه
ايام الخطوبه صارت احلئ ايام اعيشها
خلصناها تفرفر
جنه نطلع كل يوم ومرات الصبح والعصر
علمود نخلص كلشي
جنه مقررين نعيش بـ بغداد
ونعوف كلشي اهنا
بس وكفت بعيني خاله ام سمر وسمر
لحد مايوم كاعدين كلنه وازهر وجلال ويانه وفتحو الموضوع
جلال:: عمه نريد نحجي وياج بموضوع
-عافت خاله الي بيدها وابتسمت بوجهه
ام سمر:: كولو يمه اسمعكم
جلال:: الصراحه احنه نريد ننتقبل لبغداد
اني شغلي اكثر شي اهناك واضافه
ازهر ورغد هم رايدين اهناك
سمر:: ماما الافضل هيج واني اهناك اكدر اتوسع بشغلي
اكو فرص اكثر من الي اهنا، تعالي ويانه وخلي نأسس كلشي من جديد
ام سمر:: متأكدين من هل القرار؟
ازهر:: انتِ فكري زين وكولي جوابج
واحنه بكلشي وياج
-بوقتها خاله لمعت عيونها حسيتها رايدة تبجي
لان صدك جانت تعيش اجواء عائليه
وخاصه ازهر وجلال صارو مثل ولدها واكثر
ام سمر:: خلص يمه توكلو
جلال:: يعني نجهز؟؟؟؟
ام سمر:: اي يمه
-ركض جلال باس راسها ويحلفلها راح ترتاح
جلال:: والكاظم اله اونسججج اهناكك
ام سمر:: هههههههه اي اي فهمنه بس اسكت
ضحكنه كلنه فرحانين
وبدينه نجهز كلشي
الولد اخذو قطعتين وحدة بصف الثانيه وبكل قطعه صممو يصير بستان
كلشي بدينه نجهز بيه
الاثاث اصعب شيي مستحيل اشكد دورنه
قطع تعجبنه ماكو لحد مالكينه شركه بلنجف جانت مختصه بمجال اثاث البيت كله
-غرفه النوم اتفقنه اني وازهر نصممها مانريد موديل متكرر، وباقي البيت رتبنه ع التصاميم
بدو يشتغلون بطلب من ازهر بسرعه نريدهم
خلال شهر واحد
كلشي جهز بناء البيت
والاثاث
بقت بس اغراض البيت شويه منهم
-دك موبايلي ازهر
ابتسمت ورديت عليه
رغد:: هلو ازهز
ازهر:: يله جاهزة؟
رغد:: اي منتضرتك
-ثواني وواصلچ.
رغد:: ع ماتوصل اكووول
ازهر:: كولي يبعد رجفاتي
