وتشابهت انت وقهوتي،
باللذةَ والمَرارة والادمُان
………………………
-التفتت لخالتي هابطه
رغد:: خالهه هذا اجه لهنا شعندة؟
-كامت من مكانها تسئل منو ثواني وندك الباب ودخل الشباك جان ورة الباب بمسافه بقيت بمكاني ماتحركت
ام سمر:: نعم؟؟؟؟
-السلام عليكم ست
دخل بدون حتئ ماتكله تفضل
-اسمي علي حاب استفسر ع شغله
ام سمر:: تفضل؟
علي:: بصراحه اريد اشتغل وياكم
ام سمر:: نعمممم؟؟؟؟
علي:: اشاقه قصدي عندي ابن اختي واريد اجيبه اهنا
ام سمر:: اشكد عمرة؟
علي:: 5 سنوات
-مديت ايدي ع يدة الباب ردت اطلع وسمعت صوته صاح
علي:: هو هو وين ست
-فزيت درت وجهي عليه
رغد:: نعم شرايدد؟
علي:: نتعرف؟
ام سمر:: حدودك رجاءاً راح اضطر اصيح الحارس يطلعك برة
علي:: اعتذر تكدرين تاخذين راحتج ست
-فتحت الباب وطلعت برة بسرعه اخذت شهيق زفير كل جسمي يرجف ماعرف ليش خايفه منه وهو اصلاً شلون عرف المكان تقدمت لجوة رحت ع واحد من الصفوف جان رسم كل الاطفال كاعدين سويه ومندمجين
رغد:: صباح الخير
-ابتسمو ببراءة وجاوبو بصوت واحد
صبااح النور
رغد:: اني استاذة جديدة اهنا واسمي رغد.
كامت وحدة من البنات تجننن جرت ايدي وتحجي بتقطيع
-تعا..ليي رر..سم.ي ويا..نه
ابتسمت واخذت ايدها وكعدنه صارو الكل داير مدايري وكدامي طاوله مخليه عليها الورقه وارسم الحلو الكل مندمج وياي ومركز شكلهم يحبون الرسم
-بقيت اهواي يمهم وافضل هم لئن كلشش تونست واندمجت راحو لدرس وي استاذة ودخلت اني وياهم درسهم مجان ممل بلعكس بيه فعاليات من جانب الاستاذة علمود ميضوجون ويبقون مركزين وياها
-شويه وندك الباب وحدة صاحتني طلعت لكيت خاله يمها ابتسمت ومشينه
رغد:: شحجيتو؟
ام سمر:: ماحجينه شي ضروري بس يريد يجيب ابن اخته لهنا ولا تسئليني شلون عرف هل مكان اني ماعرف هم ومراح اسئل نأدي واجبنه وبس
-هزيت راسي بـ اي ساكته
بعدها بساعه طلعو كل الاطفال بلباص للاهل واحنه رجعنه للبيت غسلت وبدلت ونزلت اسوي اني وخاله غدة
